Дьокуускай куораттааҕы национальнай гимназия Муус устар 20 күнүттэн 30 күнүгэр диэри гимназияҕа Саха Өрөспүүбүлүкэтин күнүгэр аналлаах араас тэрээһиннэр ыытыллаллар: кылаас чаастара, анал история уруоктара, библиотечнай уруоктар, республикабыт историятыгар сыһыаннаах Google-тест.

ЯГНГ

Өрөспүүбүлүкэ күнүн чэрчитинэн, муус устар 24 күнүгэр Саха норуодунай поэтыгар, өрөспүүбүлүкэбит гимнын тылларын автордарыттан биирдэстэригэр Савва Иванович Тарасов төрөөбүтэ 87 сылыгар уонна Республика күнүгэр аналлаах тэрээһин «Русская община Республики Саха (Якутия)» общественнай тэрилтэни кытта бииргэ ZOOM платформаҕа ыытылынна. Тэрээһиҥҥэ нуучча общинатын тэрилтэтин чилиэннэрэ күүтүүлээх ыалдьыт буоланнар көхтөөх кыттыыны ыллылар. Тэрээһин Саха республикатын гимнын 5а, 6а, 6б, 6г, 7б кылаас үөрэнээччилэрин (хору бэлэмнээччи Слепцова П.С., кыл. сал. Терентьев А.А., Ефремова С.Н., Никитина А.В., Ксенофонтова Х.М., Федорова С.П.) толорууларынан саҕаланна. Нуучча общинатын бэрэсэдээтэлэ Подголов Александр Григорьевич гимназистарга анаан эҕэрдэ тыл эттэ. 9 «а» кылаас үөрэнээччилэрэ (кыл. сал. Кириллина С.Т.) Саха норуодунай поэта Савва Иванович Тарасов хоһооннорун ис сүрэхтэриттэн иэйэн туран аахтылар. Гимназия Үрдүкү сүбэтин чилиэннэрэ (президент Барахов Д. 10 «б» кыл., премьер-министр Константинова Аяна 9 «а» кыл.) «В семье единой» литературнай ааҕыынан эҕэрдэлээтилэр.

ЯГНГНь

Тэрээһиҥҥэ ыытыллыбыт «Моя Республика» диэн Брейн-ринг күрэххэ 10 “б” кылаас үөрэнээччилэрэ (кыл. сал. Илларионова В.И.) билиилэрин-көрүүлэрин тургутустулар.

Күрэх түмүгэ:

I миэстэ - 2 хамаанда (10 «б» кыл. үөрэнээччилэрэ - Барахов Д., Жирков М., Кычкин Н., Николаева А., Саввина Н., Тасагыров А.)

II миэстэ – 1 хамаанда (10 «б» кыл. үөрэнээччилэрэ – Еттянова В., Макаров Э., Михайлов А., Нахчаемов А., Пермякова Ю., Петрова А.).

Оҕо иитиитигэр биир улахан суолталаах тэрээһиҥҥэ гимназистар төрөөбүт дойдуларын уонна Саха өрөспүүбүлүкэтин норуодунай поэта Савва Иванович Тарасов айар үлэтин туһунан дириҥник билистилэр.

ЯГНГ3

Источник: http://yaguo.ru/node/9912, Дьокуускайдааҕы национальный гимназия