Күндү оҕолор, төрөппүттэр уонна учууталлар!

«Бэлэм буол+» онлайн түһүлгэтэ, СӨ үөрэҕин уонна наукатын министиэристибэтэ саха тылын уонна литэрэтиирэтин “Үрүҥ эһэчээн” үһүс олимпиадатыгар актыыбынай кыттыыны ыларгытыгар ыҥыраллар.

Саха оҕото төрөөбүт тылын сүтэрбэтин, дириҥэтэн үөрэтэрин, билиитэ-көрүүтэ хаҥыырын туһугар "Бэлэм буол+" сайтка киирэн дьарыктары толоруҥ, сонуннары ааҕыҥ уонна "Үрүҥ Эһэчээн" саха тылын уонна литературатын олимпиадатыгар кыттыыны ылыҥ!

Саха тылын сыыппара эйгэтигэр сайыннарар, оҕо матымаатыкаҕа, саха тылыгар уонна литэрэтиирэтигэр, төрүт култуура уонна тулалыыр эйгэ биридимиэттэригэр оскуолаҕа үөрэппитин чиҥэтэрин туһугар “Бэлэм буол+” Саха сиригэр аан бастакы саха тылын эбии үөрэтэр дистанционнай онлайн платформаны оҥорбута.

Манна олимпиадалары сэргэ оҕо өйүн сайыннарар сахалыы интэриэһинэй сорудахтары, дьарыктары, оонньуулаах тургутуктары булуоххут.

Маны таһынан, саха тылын учууталларын, исписэлиистэрин бииргэ үлэлэһэргэ ыҥырабыт👏.
Бэйэҕит тургутуктары, сорудахтары оҥорон киллэриэххитин сөп.

Олимпиадаҕа кыттааччылар : Орто оскуола 3-4, 5-6, 7-8 кылаастарын оҕолоро.

Олимпиада икки сүһүөхтээх:
• Сорудахтарга, ыйытыыларга тута он-лайн хоруйдааһын.
• Бэриллибит тиэмэҕэ сахалыы өйтөн суруйуу. Кылаастарынан тиэмэлэр: 3-4 кылаастарга - «Мин чугас доҕорум», 5-6 кылаастарга - «Саха сирин инникитэ», 7-8 - «Чөл буолуу кистэлэҥэ».

Суруллубут үлэни Муус устар 30 күнүгэр диэри “Бэлэм буол+” электроннай почтатыгар Адрес электронной почты защищен от спам-ботов. Для просмотра адреса в вашем браузере должен быть включен Javascript. ыытаҕыт.

Түмүгү таһаарыы
Уопсай түмүк ыам ыйыгар тахсыаҕа.

Наҕараадалааһын
Бастакы үс миэстэни ылбыт кыайыылаахтар 1-с, 2-с, 3-с истиэпэннээх дьупулуомунан уонна бириистэринэн наҕараадаланаллар. Элбэх оҕону кытыннарбыт учууталлары биһирэбил бириистэр күүтэллэр.

Олимпиада түмүктэрэ уонна кыайыылаахтары наҕараадалааһын туһунан Саха Өрөспүүбүлүкэтин үөрэҕин уонна наукатын министиэристибэтин, партнердар уонна www.belembuol.ru саайтарыттан билиэххит.
“Үрүҥ эһэчээн” олимпиадаҕа кыттыы сүрүн усулуобуйатын туһунан сиһилии www.belembuol.ru саайтан билсиҥ.

Ситиһиилэри баҕарабыт!
Билсэр төлөпүөн: 8 914 102 78 56
Эл. почта: Адрес электронной почты защищен от спам-ботов. Для просмотра адреса в вашем браузере должен быть включен Javascript.