Кэмпириэнсийэ саха интеллигенциятын бастакы көлүөнэтин бэрэстэбиитэлин, аан дойдуга биллибит учуонайын Г.В. Ксенофонтов сырдык аатын үйэтитэр сыаллаах-соруктаах Хаҥалас улууһун Покровскайдааҕы многопрофильнай гимназиятын учууталларын көҕүлээһининэн, Хаҥаластааҕы үөрэх салалтатын уонна Кардашевскайдар педагогическай династията өйөбүлүнэн тэрилиннэ. Тэрээһин чинчийэр уонна бырайыак оҥоруутун үлэҕэ ылсар оскуола оҕолорун айар дьоҕурдарын арыйар уонна өйүүр сыаллаах-соруктаах буолла, икки сүһүөҕүнэн ыытылынна.

Г.И. Чиряев аатынан Бүлүүтээҕи маҥнайгы нүөмэрдээх Орто оскуолатыттан 7 үөрэнээччи кыттыыны ылла.  

Бүлүү оҕолоро

«История билимнэрэ» сиэксийэҕэ 8 «б» кылаас үөрэнээччитэ Ульяна Николаева «Симметрия в декоративно-прикладной технике» (научнай салайааччы - Ефремова Е.С.) үлэтинэн кыттан үһүс миэстэни ылла.

«Филологическай уонна уопсастыбаннай билимнэр» сиэксийэҕэ 8 «б» кылааһын үөрэнээччилэрэ Ефремов Эрик уонна Спиридонов Валерий «Создание собственного дела «Время с пользой»» научнай үлэлэринэн кыттан маҥнайгы миэстэни ылары ситистилэр (салайааччылар Ефремова Е.С., Петрова Ю.Р.).

«Физико-математическай билимнэр, информационнай технологиялар» диэн сиэксийэҕэ 5 «а» кылаас үөрэнээччитэ Каримов Борис «Пришкольный участок глазами виртуального мира Minecraft» (сал. Ефремова Е.С., Каримова О.С.) үлэтинэн кыттан Бастакы истиэпэннээх ЮНИОР дипломын ылла.

«Айылҕа билимнэрэ» сиэксийэҕэ 5 «б» кылаас үөрэнээччитэ Тимофеев Ваня «Любимый цвет насекомых моего двора» (сал. Максимова Р.А.) үлэтинэн бастакы истиэпэннээх ЮНИОР дипломынан наҕаарадаланна.  

Хаҕын  Орто уопсай үөрэхтээһин оскуолатыттан 9 кылаас үөрэнээччитэ Никифорова Аэлита «Филологическай уонна уопсастыбаннай билимнэр» сиэксийэҕэ «The Blacboard» как способ изучения английского языка на среднем этапе обучения» дакылаатынан бастакы миэстэни ылла (сал.  Докторова П.А.).

Кыттааччылары уонна салайаачылары эҕэрдэлиибит! Инникитин ситиһиилэри баҕарабыт!

Бүлүү оҕолоро2 1

Источник:

http://uuo-vilyuisk.ru/2021/04/20/республиканская-научно-практическая/