Бүгүҥҥү ыалдьыппыт - Музыка үрдүкү оскуолатын үөрэнээччитэ 11 саастаах Марк Петров.

WhatsApp Image 2021 04 17 at 17.55.00

  • -Үтүө күнүнэн, Марк! Музыка эйгэтигэр үөрэнэр оҕолору киһи олус үөрэ истэр. Бэйэҥ хантан сылдьаҕыный?
  • - Мин Нам улууһун Бастакы Хомустааҕыттан сылдьабын.
  • - Музыка оскуолатыгар хаһааҥҥыттан үөрэнэҕиний? Уонна ким эйигин онно илдьибитэй?
  • - Миигин бу оскуолаҕа иккис кылааска ийэм үөрэттэрэ аҕалбыта. Кини ырыаһыт, ырыа айааччы. 
  • WhatsApp Image 2021 04 17 at 17.55.55
  • (Марк ийэтинээн)
  • - Бэйэҥ ханнык музыкальнай үнүстүрүмүөннэргэ оонньуугунуй?
  • - Мин саксофоҥҥа уонна фортепианоҕа оонньуубун.
  • - Музыка оскуолатын туһунан атын үөрэнээччилэр интэриэһиргии истэр буолуохтаахтар. Итиннэ хайдах олороргут, үөрэнэргит туһунан сырдатыаҥ буолаарай? Уопсайынан, күннээҕи эрэсиимҥит хайдаҕый?
  • - Сарсыарда сэттэ чааска турабыт, сэрээккэлиибит, музыкальнай үнүстүрүмүөннэрбитинэн дьарыктанабыт, аҕыс чаастан сарсыардааҥҥы аһылык, аҕыс аҥаартан үөрэхпит саҕаланар. Биир чааска эбиэттиибит, ол кэнниттэн иккиттэн музыкаҕа уруоктарбыт саҕаланаллар. Онтон алтаттан киэһээҥҥи аһылык, сэттэҕэ диэри сынньалаҥ, сэттэттэн аҕыска диэри үөрэхпит эбии садаанньаларын оҥоруу, ити кэнниттэн хомунуу, онтон утуйуу буолар.
  • WhatsApp Image 2021 04 18 at 12.28.58
  • - Дьонноруттан тэйэ сылдьан үөрэнэр оҕолорго иитээччилэр баар буолуохтаахтар. Иитээччилэрин кимнээх диэннэрий, хайдах көрө-истэ сылдьалларый? Оттон учууталларын кимнээхтэрий, туохха үөрэтэллэрий?
  • - Баспытааталларым – Иванова Елена Владимировна, Яковлева Анна Кимовна, Матвеева Евдокия Иннокентьевна. Кинилэр миэхэ ийэ тэҥэ чугас дьонум. Үөрэхпэр көмөлөһөллөр, доруобуйабытын кэтииллэр, күннээҕи олохпутугар кыһаллаллар. Учууталларым – саксофоҥҥа Александр Владиславович, фортепианоҕа Александра Григорьевна үөрэтэллэр. Кылааһым салайааччыта – Дмитрий Васильевич.
  • - Музыкаҕа үөрэнэрин быыһыгар өссө эбии тугунан дьарыктанаҕыный? Эбии куруһуоктар, дьарыктар үлэлииллэр дуо?
  • - Бириэмэ ортоҕуна уруһуйдуубут, кинигэ ааҕабыт, күрэхтэһэбит, остуол оонньууларын оонньуубут.
  • - Музыка үрдүкү оскуолатын бүтэрэн бараҥҥын салҕыы ханна үөрэнэ бараҕыный уонна улааттаххына ким буолаҕыный?
  • - Оскуолабын ситиһиилээхтик бүтэрэн баран Арассыыйа ханнык эмит киин куоратын үрдүк үөрэҕэр барыахпын саныыбын. Улааттахпына ситиһиилээх музыкант буолуом.
  • - Үөрэнэ сылдьаҥҥын ханнык тэрээһиннэргэ, күрэхтэргэ кыттыбыккыный? Туох ситиһиилэрдээххиний?
  • - Бэсиһин ыытыллар «Волшебство звука» диэн норуоттар икки ардыларынааҕы бэстибээл-куонкуруска бастакы истиэпэннээх лауреат буолбутум. Маны таһынан, «Соло на саксофоне в детских садах» тэрээһиҥҥэ, оскуолалар икки ардыларыгар ийэ күнүгэр анаммыт уруһуйдар быыстапкаларыгар, ааҕааччылар уонна спорт күрэхтэригэр, уруһуй куонкуруһугар, Музыка үрдүкү оскуолатын үбүлүөйдээх концерыгар, маҥнайгы ректор Босиков Василий Афанасьевич 91 сааһыгар анаммыт аһаҕас тэрээһинигэр уонна да атыттарга көхтөөх кыттыыны ылбытым. Хамаҕаттаҕа буолбут «Туоллун миэнэ сырдык ырам…» СР суруйааччыларын сойууһун чилиэнэ, Арассыыйа суруналыыстарын сойууһун чилиэнэ, РСФСР үөрэҕириитин туйгуна, оҕо суруйааччыта, бэйиэт Василий Васильевич Ушницкай-СЭКИ айар үлэтигэр анаммыт мелодистар күрэхтэригэр ийэбэр Маайа-Мария Григорьеваҕа музыкальнай үнүстүрүмүөҥҥэ доҕуһуоллаабытым. Онно 3 степеннээх дипломант, лауреат буолбуппут.
  • WhatsApp Image 2021 04 17 at 17.54.38
  • WhatsApp Image 2021 04 18 at 12.28.58 1
  • - Бүтэһик боппуруос – музыка оскуолатыгар үөрэнэр төһө ыараханый, ордук тугу ыарырҕатаҕыный?
  • - Тугу барытын эрэһииминэн оҥордоххо ыарырҕаппаккын.
  • WhatsApp Image 2021 04 18 at 12.30.31
  • - Марк, хоруйдарын иһин махтал уонна инникитин музыка эйгэтигэр ситиһиилэри баҕарабын.

 

Кэпсэттэ Ираида Коркина-Чугдаара