Советскай союз геройа А. А. Миронов аатынан Мастаах орто оскуолатын «Кэскил» оҕо уһуйаанын оскуолаҕа киириэн иннинээҕи бөлөх иитиллээччилэрэ төрөппүттэринээн Нэһилиэк 250 сааһыгар анаан суруйбут хоһоонноро. Иитээччи Давыдова Оксана Александровна

 WhatsApp Image 2021 01 19 at 16.09.02 1

«Төрөөбүт мин дойдум!»

Эдьигээнниир суол устун

Баран иһэн көрөҕүн,

Кыра дьоҕус бөһүөлэги.

Балаҕаччы эбэ хотуну!

Бу баар мин дойдум,

Бу баар мин сирим,

Төрөөбүт үөскээбит

Балаҕаччы эбэ хотунум!

                                                 Захаровтар дьиэ кэргэттэрэ

 

«Сахам сирин олус да таптыыбын!»

Таптыыбын сахам сирин,

Таптыыбын төрөөбүт алааспын,

Ураты сахам салгынын,

Сайаҕас майгылаах дьоун-сэргэтин.

Таптыыбын сахам сирин айылҕатын,

Киэн ыраас очуостарын,

Сандаарар күннээх халлааммын,

Сибэккилээх сыһыыларбын,

Сахам сирин олус да таптыыбын!

Егоровтар дьиэ кэргэттэрэ

 

«Төрөөбүт дойдубут Балаҕаччы»

Төрөөбүт дойдум миэнэ

Биһигим ыйаммыт сирэ,

Төрөөбүт дойдум миэхэ

Сүрэхтэн сүппэт иэйии.

***

Дойду угуйар матыыба

Дайар дьикти алыба,

Тардар, ыҥырар кутаата,

Таптал күүстээх санаата.

***

Бары-барҕа дьоннорум,

Байыҥ-тайыҥ, сайдыҥ тупсуҥ,

Балаҕаччы дойдубун

Билиннэрэ ааттатыҥ!

***

Былыт быстар ыраас халлаан

Этиҥ эппэт ийэ сирэ,

Балаҕаччы мин дойдум

Эппэр-сииммэр, эрэлбэр.

Платоновтар дьиэ кэргэттэрэ

 

«Төрөөбүт дойдум»

Кэрэ-нарын айылҕалаах,

Үтүө-мааны дьоннордоох,

Үүнэр-сайдар ыччаттаах

Төрөөбүт дойдум Балаҕаччым!

Алексеевтар дьиэ кэргэттэрэ

 

«Балаҕаччы - мин дойдум!»

Төрөөбүт дойдубун,

Төрүт сирбин,

Тымныы кыһыннаах,

Куйаас сайыннаах,

Көмүс күһүннээх,

Сандал саастаах

Сахам сирин

Олуһун таптыыбын!

***

Кыралас кумахтаах,

Бэс, дьанта хаймыылаах,

Тукулаан эҥэрдээх,

Тиит, хатыҥ эргиирдээх

Төрөөбүт мин дойдум!

Лэһигэр соболоох,

Быччыкы балыктаах,

Муҥутуур мундулаах,

Быраҥатта баайдаах

Балаҕаччы – мин дойдум!

 

Яковлевтар дьиэ кэргэттэрэ