Одунум кэрэ – бэлиэ сирдэрин хоһооммор хоһуйабын, ырыабар ыллыыбын. Төрөөбүт дойдуттан күндү, сыаналаах бу күн сиригэр суох. Таптыыбын төрөөбүт дойдубун - дойдум эриэккэс салгынын, кэрэттэн кэрэ айылҕатын, көрсүө - сэмэй дьонун.

Мин төрөөбүт дойдум,

Ырыаҕа ылланар,

Хоһооҥҥо хоһуллар,

Кэрэчээн айылҕата

Дууһабын уоскутар.

Сипсийэммин мин киниэхэ

Этиэм  күүскэ таптыырбын,

Эйигин кытары бииргэбин,

Сүрэҕиҥ тэбэрин истэбин.

Главнайга 1

Сииттэ үрэҕэ 

Оо, Сииттэ,

Сииттэ үрэҕим барахсан!

Сүрэхтэри үөрдэҕин,

Быйаҥы түстүүгүн.

Уста тур үйэлэргэ-

Уолбат дьылҕалан.

Куорунайын дьонун,

Куруук араҥаччылаа.

Степанова Даниела, 5 б кылаас

Андреева

Одунум барахсан  

Одунум, Одунум барахсан,

Олоҕум арахсыспат аргыһа.

Одунум, Одунум барахсан,

Олохпор мин суолдьут сулуһум.

Мин санаам өрүүтүн дойдубар

Бу киэҥ сыһыылаах, алардаах,

Күөх харыйа тыалардаах,

Кэрэчээн төрөөбүт дойдубар.

Мин сүрэхтиин-быардыын,

Куруук эйиэхэ тардыһабын.

Үлэһит, үтүө дьоннордоох,  

Күндү төрөөбүт дойдубар.

 Андреева Динара, 10 кылаас

Жиркова Камила

****

Тапталлаах сахам тыла

Кэрэтиэн, ырааһыан!

Мин өрүү эйигин

Харыстыам, ытыктыам.

Эн баар буолаҥҥын

Саха норуота тыыннаах!

Жиркова Камилла, 6 кылаас

 Прокопьева Наумова

Төрөөбүт дойдум

Төрөөбүт дойум барахсан,

Күндүгүн, кэрэҕин даҕаны .

Үөрэр, хомойор күннэрбэр,

Эйиэхэ эрэ эрэнэбин.

Төрөөбүт дойдум айылҕата,

Киһи хараҕын саататар.

Сүрэхпэр өрүүтүн хатанан,

Сыллары курдары хааллаҕа.

Төрөөбүт дойдубар аныыбын,

Кэрэни, сырдыгы, ырааһы.

Хаһан да умнуом суоҕа мин

Ханна да сырыттарбын ахтыам.                           

 

Варя Наумова, 11 кылаас

 

Төрөөбүт дойдум ахтылҕана

 Мин төрөөбүт дойдум олус да кэрэ,

Ойуулуохпун уран да тыл тиийбэт,

Хоһуйуохпун хоһоонум да кыыма умайбат ,

Туойуохпун тойук да туойуллубат.

Мин төрөөбүт дойдубун олуһун таптыыбын,

Киэҥ нэлэмэн алааспын долгуйа ахтабын.

Кини алыптаах кэрэ айылҕатын,

Ыраах сылдьан мэлдьитин суохтуубун.

Дойдум сиккиэр сылаас салгына,

Үгүс иэйиибин уһугуннарар,

Хараастар, хомойор күннэрбэр,

Аламай күнүм сүрэхпин сылаанньытар.

Прокопьева Ньургустаана, 11 кылаас