Оскуола бырагыраамата элбэҕи хабар даҕаны, оҕо барытын өйдөөн билбэккэ хаалыан сөп. Дьарыктар сорудахтара ону ситэрэр баҕаттан оҥоһулуннулар. Оҕо дьэрэкээн көстүүлээх сорудахтары толорон, олохпут араас өрүттэрин чинчийиэ, үөрэтиэ.
«Бэлэм буол+» он-лайн түһүлгэбитигэр «Дьарыктар» балаһаҕа саҥа дьарыктар таҕыстылар.

скрин дьарык 1

Ол курдук, «Саха тыла уонна литература» чааһыгар алын сүһүөх кылаас оҕолоругар «Сүһүөхтэри сааһылаа», «Тылы таба суруйуу» тургутуктар киирдилэр.

саха тыла

«Тулалыыр эйгэ» биридимиэккэ «Тулалыыр эйгэ 3-4 кылаастарга» сорудах таҕыста.

тулалыыр эйгэ

Субу манна оҕо айылҕа туһунан үөрэҕи, өрөспүүбүлүкэбит тутулун, киһи күннээҕи олоҕор туһанар билиитин, өй оонньуутугар тиһэн, хаҥатыа. Оттон «Математикаҕа» «3-4 кылаас оҕолоругар толкуйдатар садаачалар» диэн оҕо логическай толкуйун сайыннарар ыйытыылар киирдилэр.

математика

Онон, сахалыы саҥарар бука бары оҕолору биһиги сайтпытыгар тахсыбыт дьарыктары киирэн толоруҥ, билиигитиҥ кэҥэтиҥ, толкуйдуур дьоҕургутун сайыннарыҥ диэн ыҥырабыт.