Л.Н. Харитонов аатынан Маҕарас орто оскуолатын иһинэн “Одуну кыымнара” литературнай куруһуок үлэлиир. Салайааччылар - оскуола педагог-библиотекэрэ Андреева Мария Романовна уонна нэһилиэк библиотекэрэ Галина Афанасьевна Аянитова. Куруһуокка уопсайа 6 оҕо  утумнаахтык дьарыктанар. 5-11 кылаас үөрэнээччилэрэ сылдьаллар. Манна оҕолор айар үлэ эйгэтигэр сысталлар, ымпыгын-чымпыгын кытта билсэллэр, хоһоону суруйуу куормаларын, быраабылаларын кытта билсэллэр, бэйэлэрэ суруйарга холоноллор. 

оскуола 1

Куруһуок уһуйуллааччылара араас күрэхтэргэ, тэрээһиннэргэ көхтөөхтүк кытталлар.  Ол курдук, араас хабааннаах өрөспүүбүлүкэтээҕи, арассыйатааҕы  НПК–ларга, хоһоон, кэпсээн, эссе конкурстарыгар кытталлар.

Бүтүн Арассыйатааҕы “Мой язык - жемчужина России”  хоһоон айыытын күрэҕэр  Варя Наумова (11 кыл.) номинацияҕа тиксэн  дипломунан наҕараадаламмыта. Өрөспүүбүлүкэтээҕи  «Маҥнайгы хаар» хоһоон айыы күрэҕэр үс бастакы миэстэни куруһуок оҕолоро ылары ситиспиттэрэ. Андреева Динара (10 кыл.), Наумова Варя  (11 кыл.), Прокопьева Ньургустаана (11 кыл.) “Сказ о реке Лена”  өрөспүүбүлүкэтээҕи күрэх  1, 2 миэстэ,  улуустааҕы “ Аман өс” араатардар күрэхтэрин кыттыылаахтара, улуустааҕы  “Саас” туһунан түөрт строкалаах хоһоону айыыга 2 миэстэ, өрөспүүбүлүкэтээҕи “Ньургуһун туһунан остуоруйа” айыытыгар 1 миэстэ,  Чугуновскай ааҕыларга мэлдьи  үс бочуоттаах миэстэҕэ тиксэллэр.

Бу куруһуокка сылдьар оҕолор бэйэлэрэ айар дьоҕурдаахтар, талааннаахтар, ону таба көрөн сайыннарыахха эрэ наада. Саха тылын сарсыҥҥылара буолаллар, тоҕо диэтэххэ тылларын саппааһа элбиир, ойуулуур–дьүһүннүүр кыахтара улаатар, толкуйдуур дьоҕурдара сайдар. Инникитин куруһуок уһуйуллааччыларыгар үрдүк ситиһиини, саҥа сүүрээннэри  баҕарабыт.

герб

                                                                  Андреева М.Р.