Ф.И. Авдеева аатынан оҕо айымньытын дыбарыаһа эбии үөрэхтээһин хайысхатын сылтан сыл саҥа салаанан байытар. Ол курдук быйылгы үөрэх дьылыгар гончарнай маастарыстыбаҕа саҥа үөрэх программата оҥоһуллан олус таһаарыылаахтык үлэтин саҕалаата.

WhatsApp Image 2021 04 08 at 16.01.07

Сахабыт сиригэр туойдьуттар (гончардар) былыр-былыргаттан олоххо-дьаһахха тыын суолталаах иһит-хомуос арааһын оҥорон дьон-сэргэ туһатыгар таһаараллара. Үгүс  үйэлэри уҥуордаан, ситэн, сайдан биһиги кэммитигэр тиийэн кэлбит туойдьут идэтин аны биһиги оҕолорбут баһылыахтара турдаҕа... Ол курдук,  Лена Васильевна Пинигина, Виктор Валерьевич Никифоров, Саргылана Афанасьевна Лотова, Светлана Ивановна Петухова салайааччылаах 60-тан  тахса араас саастаах оҕо туойдьут идэтигэр уһуйуу маҥнайгы үрдэлин аастылар.

PHOTO 2021 02 18 07 40 07

PHOTO 2020 10 28 11 09 21

2020 сыл кулун тутар 20 кунуттэн Бүтүн Россиятааҕы педагогическай түмсүү Дьокуускайдааҕы салаата Оҕо айымньытын дыбарыаһын кытары бииргэ “Гончарный круг надежды” грантовай бырайыагынан үлэлиир. Бу бырайыак чуолаан, олоххо уустук балаһыанньаҕа түбэспит оҕолорго туһаайыллар. Кырачаан, имигэсчээн тарбахтар үлэлэрэ уонна оҕо сып-сырдык ыраас истиҥ санаата, иэйиитэ холбоһон иннилэригэр олох суолун ыллыга ырыых-ыраах сыыйыллар. Ол эбэтэр, оҕо бэйэтэ баҕаран талан ылбыт оҥоһугун оҥорор, чочуйар, нарылыыр кэмигэр бары өттүнэн сайдарыгар бэйэтэ бэйэтигэр олук уурунар: бэйэ толкуйун сааһыланар, киирэр толкуй арааһын: “үрүҥүн-харатын” бэйэтэ салайынар, бэйэтин ис туругун сатаан сыаналанар, туохха баҕалааҕын, туох интэриэстээҕин бэйэтэ арынар. Ол түмүгэр олоххо буолар араас уустук балаһыанньаны ылыныы уонна онтон “ыарыыта” суох тахсыы, босхолонуу суолун тобулунар кыаҕы ииттинэр. Бу   курдук оҕо уйулҕа (психология) үөрэҕин ааһар. Ол да иһин бу куруһуоктан оҕолор сырдыы-үөрэ, чаҕылыйан тахсаллар.

WhatsApp Image 2021 04 04 at 14.18.57

WhatsApp Image 2021 04 03 at 11.32.03

Бырайыак чэрчитинэн оҕолор «Туой-Arts” гончарнай мастырыскыай оҥоһуктарын атыыга таһааран оҕону атыы-эргиэн эйгэтигэр уһуйуу” диэн анал сайыннарар үөрэх программатынан үөрэнэллэр.  Үөрэнээччи оҥорон таһаарар бородууксуйатыгар интэриэһи олохтоон, ону тэҥэ оҕо оҥоһуга олоххо, дьоҥҥо туһалааҕын  тус бэйэтэ өйдүүрүгэр туһаайан, педагогтар куорат оскуолаларыгар маастар-кылаастары ыытан элбэх оҕо, төрөппүт интэриэһин уһугуннардылар. Улуу кыайыы 75 сыллаах үбүлүөйүн көрсө Россияҕа Өйдөбүнньүк уонна Албан аат сылыгар анаан үөрэнээччилэр 100 бэлэҕи бэйэлэрин сылаас илиилэринэн бигээн оҥорон ытык дьоммутугар сэрии уонна тыыл бэтэрээннэригэр бэлэх ууннулар.

PHOTO 2021 02 25 21 14 45

WhatsApp Image 2021 04 03 at 11.31.50

Сырдык эрэл  эргиирэ дьол суһумун бэлэхтии күн сирин эргийэ көттүн, олох иитэ буолан сайда-чэчирии турдун.

“Гончарный круг надежды” грантовай бырайыагын программатын матырыйаалыгар олоҕуран суруйда Лена Ананьевна Романова.

PHOTO 2021 02 18 07 40 08 1

PHOTO 2021 02 19 11 22 28

PHOTO 2020 12 28 16 16 07