суруйар о5jkjh

Алаадьы

Үөрүү-көтүү буоларын

Алаадьыбыт биллэрэр,

Кини дыргыл сытыттан

Дууһам үөрэр, манньыйар.

Өбүгэм саҕаттан илдьэ кэлбит

Алгыстаах алаадьы амтана

Иҥэрэр эбит сүрэхпэр

Сиэри-туому, итэҕэли.

Ханна да тиийдэрбин

Алаадьыбын өрө тутуом,

Сирбин-уоппун, дойдубун

Айах тутан күндүлүөм!

 

Ыкчанов Алексей

Аҕам

Куруук миэхэ сүбэлиир,

Ыйар-кэрдэр, үөрэтэр,

Сыыстахпына, сэмэлиир,

«Маннык гын»- диэн сүбэлиир.

«Сылайдым» - диэн сытан ылбат,

«Ыарыйдым» - диэн айгыстыбат,

«Сатаммата» - диэн санаарҕаабат,

«Кыаллыбата» - диэн кыыһырбат.

Аҕа диэн маннык буоларын

Испэр санаан ылабын,

Кини курдук буолуом диэн

Ыра санаа оҥостобун.

 

Ыкчанов Алексей

Алаадьы

Арыыга саһарчы буһаран,

Лөглөччү иһиккэ хоторон

Алгыстаах алаадьы аспытын

Айах тутарга аныыбыт.

Дьиэ, сир-уот иччитин

Ытыктаан, маанылаан уурабыт.

Васильев Артур

Алаадьы

Аламай күнү көрсө

Алгыстаах алаадьыбын

Арыыга буһаран

Аал уоппун алгыыбын.

“Араҥ суох буоллун,

Айылҕа үүнэ чэлгийдин!»-диэн

Айхаллаах тылбын

Алҕаан этэбин.

 

Семенова Сандаара

Миин

Мин миискэттэн

Минньигэс миин иһэбин,

Миисэ миэхэ ымсыырар,

Муннун туора соттор.

“Кэл, олор,аһаа!»- диэн

Доҕорбун ыҥырабын,

Сандалы остуол тула

Сонуммутун сэһэргэһэбит.

 

Семенова Сандаара

 

Миин

Көмүс күһүн кэллэ,

Идэһэ кэмэ үүннэ.

Сыалаах этинэн

Хойуу миин буһарыахпыт.

 

Мандарова Оля

Алаадьы

Саха омук киһитэ

Ыһыах аайы

Алаадьынан сирин аһатар,

Айыыларга үҥэр.

Алаадьы киһини

Арчылыыр,ыраастыыр.

 

Мандарова Оля