Мин аатым Алексеева Уйгулана, Дьокуускай куорат 12-с нүөмэрдээх орто оскуолатын онус кылааһын үөрэнээччитэбин. Кулун тутар ыйга Сочи куоракка ”Сириус”  үөрэх киинигэр сылдьан кэлбитим туһунан кэпсиэхпин баҕарабын.

1

Сменам аата – “Литературное творчество: Классическая литература”. Бу сменаҕа 81 оҕо баара, барыбытын 5 хамаандаҕа араарбыттара. Бастакы күнтэн модулларынан (модуль) үлэбитин саҕалаабыппыт. Сэттэ модуль баара, хас биирдиитигэр баал биэрэллэр, уопсайа 100 баал буолуохтааҕа.

Бастакытынан, “Впечатление от Альманаха” суруйбуппут. Альманах диэн эдэр ааптардар айымньыларын электроннай хомуурунньуга. Эһиги эмиэ бу сыылканан http://lit.sochisirius.ru/ киирэн көрүөххүтүн сөп.

3

Ол кэнниттэн “Филологические исследования”  буолбута. Биһиги бэлэмнээбит бырайыактарбытын  СПБГУ доценнарын Илюшин Л.С. уонна Азбель А.А.  иннигэр көмүскээбиппит. Онтон “Читательские инициативы” саҕаламмыта. Саамай ыарахан модуль “Сочинение” этэ. 7000 элбэх бэлиэлээх эссе суруйбуппут. Үбүлүөйдээх суруйааччылар Достоевскай, Булгаков, Гумилев, Мандельштам айымньыларынан тиэмэ биэрбиттэрэ. Холобур: “Можно ли назвать двойниками таких разных персонажей, как Раскольников, Лужин и Свидригайлов?”, “Почему Булгаков стал одним из самых читаемых авторов за последние 50 лет?”, “Акмеизм: выдумка Гумилева или эпоха русской поэзии” уо.д.а. Бүтэһигинэн “Мастерские” буолбута. Биэс күн иһигэр оҕолор инсталляция, инфографика, комикс, испэктээк туруонан, фестивальга үлэлэрин түмүктэрин көрдөрбүттэрэ.

4 21

Ол гынан баран биһиги литературанан эрэ дьарыктамматахпыт, хас киэһэ аайы араас дьаһаллар, көрсүһүүлэр, оонньуулар, экскурсиялар буоллара. Йогаҕа, стретчиҥҥэ, күрэхтэһиилэргэ суруттарыаххын сөп этэ. Нэдиэлэҕэ иккитэ кулууп дьарыга буолара. Холобур, киинэ, үҥкүү, журналистика, остуол оонньуута уонна да атын.

2jpg

Бу кыра кэм иһигэр мин олус элбэҕи биллим-көрдүм, атын куораттартан сылдьар оҕолору кытары билсистим уонна доҕордостум.

Дьокуускай куорат 12-ис нүөмэрдээх оскуолатын 10 «б» кылааһын үөрэнээччитэ Алексеева Уйгулана