Аан Дойду дьахталларын күнүгэр анаан Горнай улууһун С.И. Тимофеев-Кустуктаанап аатынан Маҥаны орто уопсай үөрэхтээһин оскуолатыгар гуманитарнай предмет методическай холбоһугун декадатын чэрчитинэн, нуучча поэттарын хоһооннорун сахалыы тылбааһыгар орто сүһүөх үөрэнээччилэрин икки ардыгар күрэх ыытыллыбыт эбит.

WhatsApp Image 2021 04 10 at 09.55.57

Бу манна бастаабыт хоһооннору ааҕааччылар дьүүллэригэр таһаарабыт. Салайааччы - Прядезникова Елена Гаврильевна.

Иван Бунин

Иван Алексеевич Бунин

    Ийэҕэ

Мин өйдүүбүн утуйар хоспун, лампаадканы,

Оонньуурдарбын, сылаас ороммун

Уонна эн үчүгэйкээн, сымнаҕас куоласкын:

"Харайааччы-харыстааччы эйигинниин!"

Сороҕор, ньээҥкэм сыгынньахтыыр

Уонна кыратык сибигинэйэн мөҕөр,

Оттон минньигэс түүл, харахпын туманныра,

Кини санныгар миигин утутара.

Эн кириэстэниэҥ, сыллыаҥ,

Санатыаҥ миэхэ - Кини миигинниин,

Уонна итэҕэли кытта дьолго абылыаҥ.

Мин өйдүүбүн, өйдүүбүн эн куоласкын!

Мин өйдүүбүн түүнү, оронум сылааһын,

Лампаадканы хараҥаран эрэр муннукка

Лампаадка сыаптарын күлүктэрин.

Эн мин Аанньалым буолбутуҥ этэ дуо?

               

                         Юлиана Иванова тылбааһа, 7 кылаас

Роберт Рождественский

Роберт Иванович Рождественскай 

 

 Дорообо, ийэм!

Дорообо, ийэм!

Эмиэ эн ырыаҕын түһээтим.

Дорообо, ийэм!

Сырдык майгыҥ, сымнаҕас бэйэҥ.

Бу сир күнтэн кыһыл көмүс буолбатах -

Кини эн үтүөҕүнэн түгэҕэр дылы туолар.

Сиргэ үтүө киһи аҕыйаҕа суох,

Сүрэҕэ ыраас эмиэ аҕыйаҕа суох.

Ол эрээри сиргэ барыларыттан ордук -

Ийэ. Мин ийэм. Дорообо, ийэм!

Эн мөлтүүгүн - миэхэ эн күүһүҥ тиийэр.

Эн кырдьаҕыҥ - миэхэ эн олоҕуҥ тиийэр.

Син биир, ханнык да сылларга,

Куруутун эн миэхэ эдэр буолуоҕуҥ.

Эн илиилэриҥ уон олох үлэлээтилэр,

Эн сиэннэриҥ бу халлаан анныгар төрөөтүлэр

Эн эмиэ биһик ырыатын ыллыаҕыҥ

Сиэҥҥэр бэйэҕин билиэҕиҥ.

Сиргэ үтүө киһи аҕыйаҕа суох,

Сүрэҕэ ыраас эмиэ аҕыйаҕа суох.

Ол эрээри сиргэ барыларыттан ордук -

Ийэ. Мин ийэм. Дорообо, ийэм!

                         Султан Серкебаев тылбааһа, 8 кылаас

Марина Цветаева

Марина Ивановна Цветаева       

Ийэҕэ

Элбэх курдук умнуу хараҥата

Сүрэхпиттэн үйэ тухары куотта!

Санаарҕабыллаах уостаргын биһи өйдүүбүт

Уонна көппөркөй баттаҕыҥ сүүмэҕин,

Бытаан өрө тыыныы тэтэрээт үрдүгэр

Уонна сырдык сыаналаах таас биһилэх,

Тупсаҕай орон үрдүгэр

Эн үөрбүт сирэйиҥ көстөрө.

Биһи билэбит бааһырбыт көтөрдөрү

Эн эдэр санаарҕабылгын

Уонна таммах харах уутун кыламмаҥҥар,

Рояль саҥата суох барарыгар.

                                 Ваня Попов тылбааһа, 6 кылаас

Агния Барто

Агния Львовна Барто

"Ким эһигини, оҕолоор, улаханнык таптыырый..."

Ким эһигини, оҕолоор, улаханнык таптыырый,

Ким эһигини нарыннык бүөбэйдиирий

Эһиги тускутугар кыһанарый,

Түүннэри хараҕын саппакка?

- "Күндү ийэ".

Биһиккитин ким хачайдыырый,

Ким эһиэхэ ырыа ыллыырый,

Ким эһиэхэ остуоруйа кэпсиирий,

Ким оонньуур бэлэхтиирий?

- "Күндү көмүс ийэ".

Буолааччы, оҕолоор, эһиги сүрэҕэлдьиигит,

Истибэт, мэник буолаҕыт,-

Ким ытыырый оччоҕо?

- "Барыта кини, ийэбит".

                            Серёжа Сивцев тылбааһа, 5 кылаас