Кулун тутар 23 күнүттэн  муус  устар 5 күнүгэр диэри “Сосновый Бор оҕо эмтэниитин уонна сынньаныытын киинигэр”  «РДШ (Бүтүн Арассыыйатааҕы Үөрэнээччилэр Хамсааһыннара) – атмосфера творчества» диэн  смена буолан ааспыта.

1b5e030f 2756 4ac1 925e 7409c35cc212

Смена кэмигэр “Лучшая команда РДШ” диэн Өрөспүүбүлүкэтээҕи күрэх тэрийбиттэрэ. Араас улуустартан 5 оҕолоох уопсайа 12 хамаанда кэлбитэ: Горнай, Өлүөхүмэ, Уус-Алдан, Алдан, Мэҥэ-Хаҥалас, Хаҥалас, Кэбээйи, Ньурба, Таатта, Нам, Сунтаар уонна Дьокуускай куорат.

Күрэхпит 3 түһүмэхтээх этэ. 1 түһүмэх – хамаанданы билиһиннэрии, 2 – «РДШ бэҕэһээ, бүгүн, сарсын» диэн РДШ-ны төһө билэргин тургутан көрүү, 3 – “Коллективно- творческая деятельность”, оонньуу толкуйдааһын, дьону-сэргэни оонньотуу.

6ea616fe 236c 4806 859f 4a287aa2165b

Өрөспүүбүлүкэтээҕи Оҕо сүбэтин хамаандата бу күрэҕи ыытарга олус көмөлөспүтэ. Хамаандаҕа бааллара: Попова Лиана, Никитина Сандаара, Орлова Лидия, Орлова Ольга, Галстян Элен, Смирников Семен, Спиридонов Тимофей уонна Петров Николай. Кинилэр хас биирдии түһүмэҕи, араас бырайыактары, биэчэрдэри тэрийбиттэрэ, оҕолорго холобур, күүс- көмө буолбуттара.

IMG 6914

Уопсай түмүгүнэн 3 миэстэҕэ Дьокуускай куорат 9 №-дээх орто оскуолатын  “Добрые дети мира” диэн хамаандата, 2 миэстэҕэ Алдан улууһун Алдан куораттааҕы лицейин “Республика лицей” диэн хамаандата тахсыбыттара.Оттон

кыайыылаах  үрдүк аатын Хаҥалас улууһун Мохсоҕоллоох орто оскуолатын “Сокол” диэн хамаандата  ылбыта.

Салҕыы “Сокол” хамаанда Арассыыйатааҕы куонкуруска биһиги  Өрөспүүбүлүкэбитин көмүскүү барыаҕа. Киниэхэ ситиһиини баҕарыаҕыҥ!

IMG 6915

Дьокуускай куорат 12-ис нүөмэрдээх оскуолатын 10 б кылааһын үөрэнээччитэ Семенова Сандаара