Муус устар 12 күнүгэр сыл ахсын Аан дойдутааҕы Космонавтика күнэ бэлиэтэнэр.

 

Биһиги бары билэрбит курдук, бу күн 1961 сыллаахха «Байконур» диэн космодромҥа «Восток 8К72К» маҥнайгы пилоттаммыт космическай хараабыл киэҥ халлааҥҥа өрө көтөн тахсыбыта. Бу аппарат иһигэр сэбиэскэй сойуус олохтооҕо Юрий Алексеевич Гагарин Ийэ сирин космостан көрөрүн кэтэһэн, долгуйан олорбута. Кини сыала-соруга этэҥҥэ туолан, Аан дойду үрдүнэн маҥнайгы космонавт үрдүк аатын сүкпүтэ.

Гагарин

Юрий Гагарин аһаҕас космоска көтүөҕүн иннинэ үгүс кэтээн көрөөһүнү, сүүмэрдээһини, дьарыгы, бэлэмниини ааспыта. Кини 1 чаас 45 мүнүүтэ устата сири төгүрүччү эргийбитэ, ол кэннэ Саратовскай уобалас сиригэр этэҥҥэ кэлэн түспүтэ.  Космоска маҥнайгы көтөөччү киһи аатын ол күнтэн ыла бары билбиттэрэ, дойдутугар уруйдуу-айхаллыы көрсүбүттэрэ уонна сотору кэминэн киниэхэ Советскай Сойуус Дьоруойун үрдүк аатын иҥэрбиттэрэ.

Быйыл Космонавтика 60 сылын туолла. Онон, бу үтүө күнү бэлиэтээн, Саха сирин уһуйааннарыгар, оскуолаларыгар кылаас чаастара, аһаҕас уруоктар уонна да атын тэрээһиннэр буолаллара сабаҕаланар.

Барыгытын өссө биирдэ Космонавтика ураты күнүнэн эҕэрдэлиибит!

ГАГАРИН2