Майатааҕы "Кэнчээри" оҕону сайыннарар киин иитиллээччилэрин уонна педагогтарын икки ардыгар "ХОҺООН ХОНУУТА" диэн уһуйааммыт музыкальнай салайааччыта Капиталина Семенова - Саар Көстөкүүн Кыыһа айбыт хоһооннорунан хоһоон ааҕыытын курэҕэ куйаар нөҥүө ыытыллан сүрэхтэннэ.

Капиталина Константиновна улууска, өрөспүүбүлүкэҕэ мелодист, оҕо ырыатын айааччы быһыытынан эрэ буолбакка, айымньылаах, үлүскэн үлэтин таһынан биир сонун суолу тобулан бар дьонугар баай ис хоһоонноох хоһооннору, оҕолорго аналлаах интэриэһинэй остуоруйалары айар. "ХОҺООН ХОНУУТА" курэхпит Арассыыйаҕа "Арассыыйа норуоттарын култуурунай нэһилиэстибэлэрин", Өрөспуубүлүкэбитигэр "Ийэ сылынан", улууспутугар "Дьиэ кэргэн бигэ туруктаах буолуутун" бэлиэ сылларыгар ананан уонна Саха тылын күнүн көрсө тэрилиннэ. Күрэххэ уһуйаан кыра бөлөҕүттэн саҕалаан барыта - 54 иитиллээччи уонна 8 педагог кытынна. Күрэх түмүгүнэн хоһоону ордук иэйиилээхтик, уус-ураннык, аһаҕастык, холкутук дьоҥҥо-сэргэҕэ тиэрдибит кыттааччылар анал миэстэлэргэ тигистилэр.



Кыайыыны ситистилэр:

2-4 саастаахтарга

1 миэстэ - Афанасьева Ариша "Кыра куобах" ("Уу-чукучук" кыра бөлөх)

4-5 саастаахтарга: 1миэстэ - Плотникова Айаана "Сүүтүкчээннэр" ("Сүүтүкчээн" орто бөлөх)

5-6 саастаахтарга: 1миэстэ - Борисов Кирилл "Мин Майам" ("Сулусчаан" улахан бөлөх) 1 миэстэ - Петрова Анжелика "Кустукчаан" ("Кустукчаан" улахан бөлөх)

6-7 саастаахтарга: 1 миэстэ - Варламова Виолетта "Сир симэхтэрэ" ( "Сир симэхтэрэ" бэлэмнэнии бөлөх)

1 миэстэ - Макаров Никита" Току-току ньээм-ньээм" ("Току-току ньээм-ньээм" бэлэмнэнии бөлөх)

Бөлөҕүнэн ааҕыыга:

2-4 саастаахтарга: 1 миэстэ - Гурьев Арсен, Никифоров Рома "Мин аҕам" ("Уу - чукучук" кыра бөлөх)

4-5 саастаахтарга: 1 миэстэ - Ефремов Георгий, Кириллин Егор, Николаев Сайдам "Уустар ырыалара" (Тииҥчээн" улахан бөлөх)

Иитээччилэргэ:

1 м. - Аввакумова Сардана Алексеевна, иитээччи 2м. - Андреева Наталья Васильевна, муз.салайааччы 3м. - Тастыгина Юлия Яковлевна, иитээччи

Инникилээх, дириҥ суолталаах күрэххэ кыттыбыт бары кыттааччыларбытын уонна кыайыы көтөллөммүт оҕолорбутун, биир идэлээхтэрбитин үрдүк ситиһиигитинэн эҕэрдэлиибит. Оҕо кыра сааһыттан

элбэхтик хоһоону үөрэтэн, өйүгэр хатаан аахтаҕына төрөөбүт тылын сүмэтин кытта билсэн баай тыллаах-өстөөх саха ыччата буола улаатара саарбаҕа суох!Убаастыыр, холобур оҥостор Капиталина Константиновнабыт айар талаана өссө арыллан үгүс киһини кэрэхситэ, үүнэр ыччаты үтүөҕэ-кэрэҕэ угуйа турдун!

Сардана Аввакумова, Майатааҕы "Кэнчээри" уһуйаан иитээччитэ

Сигэтэ: https://xn--h1abcx8dca.xn--p1ai/article/42147