Үүммүт 2022 сыл үөрэхтээһин  эйгэтигэр Ааҕыы сылынан биллэриллибитэ. Онтон биһиги оскуолабытыгар быйылгы үөрэх дьылыгар «Буккроссинг» диэн саҥа бырайыак киирдэ. Буккроссинг диэн тыл өйдөбүлэ, нууччалыы эттэххэ, «круговорот книг» диэн буолар. Бу хамсааһыны аан бастаан  олохтообут эбит Америка интернет технологияларын специалиһа Рон Хорнбекер. 2001 сыллаахха Рон Хорнбекер бэйэтин гостиницатыгар дьон көҥүл ылан  ааҕалларыгар анаан 20 кинигэни бэлиэтээн хаалларбыт. Онтон ыла кинигэ Аан дойдунан "күүлэйдээһинэ" саҕаламмыт. Биһиги оскуолабыт библиотекарыттан,   «Сельский педагог-2021» куонкурус кыайыылааҕыттан, Александра Павловнаттан «Буккроссинг» туһунан ыйыталастыбыт.

WhatsApp Image 2022 02 02 at 17.53.06

- Бу бырайыак туох сыаллаах-соруктаах тэриллибитэй?

- Бырайыак сүрүн сыала-соруга: "тыыннаах" кинигэҕэ болҕомто ууруу, ааҕыыны сайыннарыы, үрдэтии, көҕүлээһин.

- Хайдах үлэлиирин кылгастык кэпсиэн дуо?

- Сүрүн идеята маннык: биһиги оскуолабыт үөрэнээччитэ, үлэһитэ, төрөппүтэ баҕа өттүнэн дьиэтиттэн ааҕыллан бүппүт кинигэлэрин аҕалар. Аҕалбыт кинигэтин библиотекаҕа суруйтарар. Кинигэ бэрэбиэркэни аастаҕына буккроссинг логотиба силимнэнэр. Кинигэ хаһаайыныттан тутатына видеоотзыв ылыллар. Qr код оҥоһуллан кинигэҕэ сыһыарыллар. Дьэ, ол кэннэ буккроссинг полкатыгар уурабыт. Бу полкалартан кинигэни  дьиэтигэр илдьэ баран ким баҕар ааҕыан сөп. Ааҕан бүтэрдэхтэринэ кинигэҕэ сыанабыл туруораллар уонна полкаҕа төттөрү аҕалан уураллар. Саамай элбэх үчүгэй сыанабылы ылбыт кинигэ "Книга - рекордсмен" полкаҕа ууруллар, кыайыылаах буолар. Ити курдук кинигэ атастаһыга барар.

- Библиотекаттан туох уратылааҕый?

- Библиотекаттан уратыта диэн бу көҥүл полка. Библиотекарь диэн манна суох. 4 быраабыланы тутуһан,  ким баҕар, хаһан баҕар ылан ааҕара көҥүл. Бириэмэнэн хааччаҕа суох.

- Александра Павловна, сырдатыын иһин махтанабыт!

Бу курдук олус интэриэһинэй, аныгылыы дизайнаах, оҕолору бэйэтигэр тардар күүстээх  «Буккросинг» муннуга. Манна оҕолор да, үлэһиттэр да миэстэтигэр олорон ааҕаллар, дьиэлэригэр  да илдьэ бараллар. «Буккроссинг» хамсааһын көмөтүнэн «тыыннаах» кинигэҕэ интэриэс өссө үрдээтэ диэтэхпитинэ сыыспаппыт буолуо. Кинигэни эт илиигэ тутан-хабан, илиистэрин арыйан, сытын ылан ааҕардааҕар туох да тэҥнэспэт, сөбүлэһэҕин дуо, ааҕааччым?

WhatsApp Image 2022 02 02 at 17.52.51WhatsApp Image 2022 02 02 at 17.53.06WhatsApp Image 2022 02 02 at 17.53.22WhatsApp Image 2022 02 02 at 17.53.34WhatsApp Image 2022 02 02 at 17.53.54WhatsApp Image 2022 02 02 at 17.54.22WhatsApp Image 2022 02 02 at 17.54.35

Уйгу Егорова, 8 кылаас

Мэлдьэхси, «Үктэл» юнкорпост