Тохсунньу 14 күнүгэр «Өркөн” оҕону эбии үөрэхтээһин киинин тэрээһининэн ZOOM платформа нөҥүө «Косплей» тематыгар оскуола оҕолоругар аналлаах конференция буолла. Кыттыыны ылла Бүлүү улууһуттан төрүттээх косплеер Федоров Айаал Геннадьевич. Айаал кыра оҕо эрдэҕиттэн, алын сүһүөх кылааска үөрэнэр эрдэҕиттэн маскараакка кыттар эбит. Кини кыра сырыттаҕына маскараат буолар оҕо аайыттан ирдэнэр эбит. Бастакы кыттыытын олус сөбүлээбит. Бу курдук оскуолатын бүтэрэн, армияҕа сулууспалаан кэлэн баран, оҕо эрдэ5инээ5и интэриэһэ сүппэккэ, араас биллиилээх персонажтары үтүктэр “косплеер” диэн буолбут. Айаал уопсайа тоҕус уонча кэринэ араас персонаж таҥастарын оҥорбут, ол таҥастарын бырааһынныктарга, араас тэрээһиннэргэ уларсар эбит. Араас матырыйаалтан оҥорбут таҥастарын быыстапкатын көрөн оҕолор сэргээтилэр, сөхтүлэр.
Быыстапкаҕа элбэх биллэр персонажтар бааллар: Танос, Человек паук, Ракета, Железный человек Звездные воины, Черная пантера, Гарри Поттер о д.а.
Саамай улахан көстүүмэ биэс миэтэрэлээх дракон буоларын бэлиэтээн эттэ.
Конференцияҕа оҕолор элбэх араас бопуруос ыйыттылар.
Бу билигин тохсунньу ый 31 кунугэр дылы Дьокуускай куорат Чернышевскай уулусса 57 нүөмэрдээх дьиэтин 2 этээһигэр сарсыарда 10 ч киэһэ 20 ч диэри көстүүмнэрин быыстапката турарын иһитиннэрдэ. Ким баҕалаах кэлэн көрүөн-истиэн сеп.
Биллэн турар, сөбүлүүр дьарыгын эн үлэҥ буолара олус үчүгэй.
Интэриэһинэй сөбүлүүр дьарыккынан дьарыктанан, бар дьон көрүүтүгэр-истиитигэр таһааран, эбии дохуот киллэриэххэ сөп эбит диэн түмүккэ кэллим.

WhatsApp Image 2022 01 21 at 11.06.09 2

WhatsApp Image 2022 01 21 at 11.06.09 4

WhatsApp Image 2022 01 21 at 11.06.09

Окоемова Аэлита, Уус-Алдан улууһун оҕону эбии үөрэхтээһин пресс-киинин иитиллээччитэ