Оҕо саас үөрүүтэ-көтүүтэ, үөрэххэ, олоххо дьулуура, үтүөҕэ-кэрэҕэ тардыһыыта саҕыллар инники кэскилбит уйата оскуола буолар.

Оскуолаҕа уруоктары таһынан араас көрүҥнээх тэрээһиннэр, күрэхтэр, ыытыллаллар.

Ол курдук бастакы ситиһиилэр, кыайыылар, кыайтарыылар бааллар. Оҕо бэйэтин саастыылаахтарын, учууталларын, атын даҕаны дьону кытта алтыһан, сыһыаны тутарга, араас таһымнаах боппуруостары, бэйэтин көрүүтүн туруорсарга, быһаарарга, дьон ортотугар сөптөөхтүк тутта-хапта сылдьара эмиэ оскуолаҕа үөрэнэр.

Хас биирдии киһиэхэ оскуола элбэх билиини, үөрэххэ талаһарга суолу, олоххо дьулууру биэрэр.

Ньурба 2

Алексей Федорович Алексеев аатын сүгэр Чуукаар орто оскуолатыгар 2021-2022 үөрэх сылын балаҕан ыйыттан “СSM” медиацентр үлэтин саҕалаабыта. Биһиги медиацентрбытын эдэр учууталлар, эбии үөрэхтээһин педагога Семенова Ф.А., математика учуутала Назарова М.А. салайаллар. Билиҥҥи туругунан медиацентрга 10 оҕо дьарыктанар. Биир сүрүн сыалбыт оскуола олоҕун киэҥ араҥаҕа сырдатыы буолар.

Ньурба 3

Ньурба 4

Ньурба 5

Ол курдук, сана үѳрэх сыла саҕаланыаҕыттан «Цифровая образовательная среда» диэн ааттаах анал хос аһылларыгар элбэх үлэ барда. Оскуола коллектива күргүөмүнэн кабинеты өрөмүөннээтилэр, ону тэҥэ сабыс-саңа принтер, 28 ноутбук кэлэн, ахсынньы 24 күнүгэр үөрүүлээх арыллыыта буолан ааста.

Манна киирбит оҕолор камера иннигэр сатаан саҥарарга, социальнай сетька пост суруйарга уонна хаартыскаҕа түһэрэргэ үөрэнэллэр. Чиэппэр ахсын үлэ, үөрэх түмүгүн таһаарар биэриилэр уһуллаллар, маны таһынан оскуола инстаграм-страницатыгар таһаарыылар сырдатыллаллар, улахан мероприятиеларга спец-выпуск уһуллан тахсар. Оскуолаҕа ыытыллар тэрээһиннэргэ бары көхтөөх кыттыыны ылаллар.

Быйылгы үөрэх дьылыгар Ил Дархан Гранынан оскуолаларга саңа волонтерскай хамсааһын тэрилиннэ. "Радуга Добра" этэрээппитигэр

10 оҕолоохпут. Оҕолорго барыларыгар анал "Я волонтер" диэн таҥастаахтар. Этэрээт үтүө көмөнү оҥорор сыаллаах-соруктаах үлэлииллэр.

Бу сыл ахсынньы ыйыгар оскуолабытыгар саңа анал оҕо таһар массыына кэлэн, оҕолор, учуталлар үөрүүлэрэ үгүс. Саңа массыынаны үөрэн -көтөн көрүстүлэр.

Ити курдук оскуолабытыгар саҥа сүүрээн киирэн, оҕолордуун айабыт-тутабыт.

Бибилэтиэкэр Клавдия Андреева. Оҕо түмсүүтүн салайааччыта Федора Семенова

Сигэтэ: https://xn--90adptbcs3gya.xn--p1ai/article/36443

















https://xn--90adptbcs3gya.xn--p1ai/article/36443













https://xn--90adptbcs3gya.xn--p1ai/article/36443















https://xn--90adptbcs3gya.xn--p1ai/article/36443

















https://xn--90adptbcs3gya.xn--p1ai/article/36443