Саха кыыһа «Little Miss Russia 2021» бүтүн Россиятааҕы күрэххэ кыайда. Дьокуускай куорат 2-с №-дээх оскуолатын үһүс кылааһын үөрэнээччитэ Александра Оленова Москва куоракка ыытыллыбыт бүтүн Россиятааҕы «Мини Мисс России» куонкуруска кыайда.
Саха сириттэн сааһынан икки бөлөххө уопсайа үс кыыс кытынна. Ньурбаттан Камелия Яковлева, Уус Алдантан Дайаана Григорьева уонна Дьокуускайтан Александра Оленова.
«Уопсайа 30-тан тахса оҕо кыттыыны ылла. Куонкурус түөрт түһүмэхтээх этэ: «Талаан», «Дефиле», «Киэһээҥи таҥаһы» уонна «Национальнай көстүүмү көрдөрүү». Саша кыайыытын таһынан «Мисс стиль» диэн анал аакка тигистэ. Мин санаабар, маннык таһымнаах куонкуруска кыттыы оҕо санаатын аһаҕастык этэр, элбэх доҕордоох буоларыгар, холкутук туттарыгар, билиитэ-көрүүтэ кэҥииригэр улахан суолталаах», — диэтэ Саша ийэтэ Виктория Оленова.
Камелия Яковлева «IV-c Вице Мини Мисс России», «Көрөөччүлэр биһирэбиллэрэ», оттонДайаана Григорьева«IV-c Вице Мини Мисс России», «Бастыҥ национальнай көстүүм» уонна «Мичээр» анал ааттары ыллылар.
«Өрөспүүбүлүкэ биллиилээх стилииһэ Василий Афанасьев бэлиэтии көрөн бу куонкуруска кыттарбытыгар этии киллэрбитэ. «Талаан» түһүмэххэ хомуска виртуоз-хомусчут Айсен Аммосов уһуйбута. Чугас доҕотторбутугар, аймахтарбытыгар уонна Сахабыт сирин бары олохтоохторугар күүс-көмө буолбуттарыгар махтанабыт», — диэтэ Виктория.
