Е.А. Шишигин аатынан Сатаҕай орто оскуолатыгар Социалистическай Үлэ Геройа Тимофей Лукиҥҥа анаммыт Ааҕыылар быйыл ахсыс төгүлүн үрдүк таһымҥа ыытылыннылар. Ааҕыыларга үгэс быһыытынан Суола үрэх баһынан олорор 6 нэһилиэк оскуолалара кыттыыны ыллылар.

нпк БЭЛЭМ БУОЛ 1

“Пандемиянан сибээстээн быйылгы Ааҕыылар кэтэхтэн буоллулар. Ол эрээри оскуолалар 7 секциянан көхтөөхтүк кыттыбыттарыттан тэрийээччилэр, ол эбэтэр оскуола салалтата уонна модельнай библиотека астынныбыт. Барыта 71 үөрэнээччи уонна Бүтэйдээх интернатын айар бөлөҕө 67 үлэнэн кытыннылар. Ааҕыылар түмүктэринэн бастыҥнар дипломнарынан, салайааччылар махтал суруктарынан бэлиэтэннилэр. Оҕолор интэриэһинэй тиэмэни булан, араас иһитиннэрэр-биллэрэр ресурсалары, аныгы технологиялары таба туһанан үлэлэрин оҥорбуттар. Ол эрээри Сатаҕайтан ураты оскуолалар «IT технология» диэн секцияҕа кыттыбатылар. Урукку сылларга дакылааттар, видеороликтар бары сахалыы тыллаах буолаллара. Быйыл сорох үлэлэр нууччалыы тыллаахтарын экспертэр бэлиэтээтилэр. Лукин ааҕыыларын тэрийбит Иванна Ивановна Шишигина директордаах орто оскуолатын салалтатыгар, Сатаҕай модельнай библиотекатыгар библиотекардарыгар, оҕолор үлэлэрин сыаналаабыт учууталларга махталбытын тириэрдэбит. Ааҕыыларга көхтөөхтүк кыттар «Суола» ситим оскуолаларыгар “өрүү бу курдук түмсүүлээх буолуоҕуҥ” диэн баҕа санаабын тиэрдэбин”, - диэн бырайыак ааптара уонна тэрийээччитэ Галина Шишигина санаатын үллэһиннэ.

НПК 2

НПК3

НПК4

Ылыллыбыт сигэтэ: https://xn--80aaaambpp4b1d.xn--p1ai/article/33944