Биһиги оскуолабытыгар Арассыыйа, Дьобуруопа, Аан дойду дуобакка күрэхтэһиилэрин кыайыылааҕа, ахсыс кылаас үөрэнээччитэ,  Говоров Прокопий үөрэнэр. Прокопийы кытта көрсөн аҕыйах ыйытыыны ыйыттыбыт:

Проня Говоров 1

- Проня, хас сааскыттан дуобатынан дьарыктанаҕыный?

- Ордук дьаныардаахтык  сэттэ сааспыттан дьарыктанабын диэххэ сөп.

- Ким эйиигин дуобат эйгэтигэр угуйбутай?

- Уһуйааҥҥа сылдьан доҕорум Кимчик угуйуутунан остуолга турар дуобат дуоскатын аан бастаан көрбүтүм.

- Биһи  билэрбитинэн баһаам элбэх мэтээллээххин, кубоктааххын. Төһө баарын аахпытын дуо?

-Мин мэтээллэрбин хаһан даҕаны ааҕааччым суох.

WhatsApp Image 2021 12 06 at 15.23.01

-Дьарыгын хайдах быһыылаахтык барарый?

-Өрүү тиһигин быспакка дьарыктанабын.

-Дуобат тус бэйэҕэр туох туһалааҕый дии саныыгыный?

-Өйдөөн көрөргө, болҕомтолоох буоларга уонна суоттуурга үөрэнэҕин.

-Ааҕаччыларга баҕа санаан?

-Барыларыгар баҕарабын кытаанах доруобуйаны уонна үөрэххитигэр ситиһиини.

Проняны ССРС дуобакка  маастара, СӨ үтүөлээх тириэньэрэ Василий Васильевич Куприянов дьарыктыыр. Биһиги Василий Васильевичтан   аҕыйах ыйыытыга эппиэттиирин көрдөстүбүт:

- Проня хас сааһыттан дуобатынан дьарыктанарый?

-Проня дуобаты кытта аан бастаан уһуйааҥҥа сылдьан билсибитэ.Оҕолор уонна бэйэтэ  этэринэн: «Дуобат  диэн оонньуу баар»,- диэн табаарыһа Егоров Ким билсиһиннэрбит. Ол кэннэ 1 кылааска киириэр диэри дуобакка тириэньэр  Иван Петрович Семенов дьарыктаабыт. Онтон ылата кини дуобатынан интэриэһиргээн оонньуур буолбут. 1 кылааска үөрэнэ киирэригэр, мин Мэлдьэхси орто оскуолатыгар тириэньиринэн кэлбитим. Ол кэмтэн күн аайы утумнаахтык дьарыктанан саҕалаабыппыт..

Онньуу тугэнэ2

-Дуобакка дьоҕурдааҕын хайдах таба көрбүккүтүй?                                                                                                                                                                 

-Проня бэйэтэ оонньуур баҕалаах. Ол эрэн оҕо-оҕо курдук мэниктиир, аралдьыйар кэмнэрдээх буоллаҕа,  оннук түгэҥҥэ ийэтэ, Мария Дмитриевна, хонтруоллаан күҥҥэ иккитэ дьарыкка барарын хааччыйара. Ол иһин кини кыра эрдэҕиттэн күн аайы иккилии дьарыкка дуобакка эрчиллибитэ. Бастаан бастыкы сылларга миэстэҕэ киирбэт этибит,   5-6 миэстэ буоларбыт. Биирдэ Арассыыйаҕа бастыыр иһин  оонньууга күрэхтэһэ  тиийэн баран, куруук бастакы миэстэттэн түспэт Артем Тихоновтыын көрсүбүтэ. Онно иккитэ оонньооһуҥҥа бастакы оонньуутун кыайбыта, иккиһигэр кыайары ситиспитэ. Онон бүтүн Арассыыйатааҕы күрэххэ миэстэлэһэн,  мэтээл кэтэн кэлбитэ. Онтон ылата Проня  кыахтаахтык оонньуон сөбө көстүбүтэ. Нөҥүө сыл өрөспүүбүлүкэ “Юные таланты” күрэхтэһиитигэр 64 уонна 100 харахтаах  дуобакка иккиэнэригэр бастаан, ол бастыырыгар биир да партияны тэннэспэккэ барыларын кыайбыта. Ол кэмтэн ылата ситиһиилэр кэлэн иһэллэр.

- Саамай улахан ситиһиилэрэ

- Саамай улахан ситиһиилэрэ Арассыыйаҕа,  Дьобуруопаҕа, Аан дойдуга бастакы миэстэлэрэ.

WhatsApp Image 2021 12 06 at 15.22.45

- Күннээҕи дьарыгын ойуулуон дуо?

- Проня күҥҥэ иккитэ дьарыктанарын ааһан,  сибиэһэй салгыҥҥа хаамыы-сүүрүү былаастаах физическэй нагрузканы эмиэ ааһар. Оҕо өй үлэтин уонна эт-хаан өттүнэн дьарыгы тэҥнии туттаҕына эрэ улахан ситиһиилэр кэлэллэр дии саныыбын.

- Дуобатынан дьарыктанар оҕо уратыта.

- Дуобатынан дьарыктанар оҕо толкуйдуур дьоҕура сайдар, ол аата, биллэн турар, үөрэҕэр үчүгэй буолар. Билиигэ-көрүүгэ, олоххо тардыһыыта күүһүрэр. Бэйэтин тэҥнээхтэриттэн 3-5 сыл инники сылдьар, олоҕу көрүүтэ уларыйар. Лиидэр буолар хаачыстыбата сайдар. Онон оҕолору дуобатынан дьарыктанын диэн ыҥырыам этэ.

   Проняҕа уонна Василий Васильевичка эппиэттэрин иһин махтанабыт. Биһиги оскуолабытыгар маннык талааннаах, ситиһиилээх үөрэнээччи, дойдутугар, үлэтигэр бэриниилээх тириэньэр баарынан киэн туттабыт уонна кинилэргэ өссө да үрдүк  ситиһиилэри баҕарабыт.

WhatsApp Image 2021 12 06 at 15.22.53

Тарабукина Марина, 10 кылаас

Игнатьева Ксения, 10 кылаас

Мэҥэ-Хаҥалас, Мэлдьэхси

«Үктэл» юнкорпост