IMG 20211101 WA0120

«Күһүҥҥү сынньалаҥы бииргэ интириэһинэйдик уонна көдьүүстээхтик атаарыахха» тэрээһин чэрчитинэн ыытыллар бүгүн сэтинньи 2 күнүгэр ГАНОУ РС(Я) «РРЦ «Юные якутяне» тэрийэн ыыппыт олус интириэһинэй тэрээһиннэригэр «Угуйар Дьоппуоньуйа», «Кэрэхсэнэр Кэриэй сирэ», «Сайдар Кытай» зуум ситим нөҥүө киирэн кытынным. Тэрээһиннэр олус интириэһинэйдик аастылар. Мин Кытайга сылдьыбыт буолан «Сайдар Кытай» диэн тэрээһини олус сэргээн иһиттим.

Кытай кэнники сылларга олус түргэнник сайдан иһэрин РРЦ «Юные якутяне» методиһа, английскай уонна кытай тылын куруһуоктарын салайааччыта Ольга Васильевна Афанасьева презентацияны туһанан интриэһинэйдик кэпсээтэ. Истээччилэр болҕомтолорун тарта. Оҕолор Кытай туһунан элбэх боппуруоһу биэрдилэр уонна киниттэн толору хоруйдары иһиттилэр. 1,4 миллиард ахсааннаах кытай норуота бэйэтин саланан, сайдан, үчугэйдик олороллорун кэпсээтэ. Кытайдар бэрээдэктээх, үлэһит, тулуурдаах норуот диэн эттэ. 2017 сыллаахха чааска 400 км тиийэ түргэнник айанныыр «Fusin» диэн поезд онорбуттар. 2018 сыллаахха кытайдар аан дойдуга саамай улахан Гонконг-Чжухай-Макао муостаны 420 тыһыынча туонна ыстаалтан оҥоһуллубут конструкцияттан туппуттар. Муоста сорох өттө уу аннынан, туннелга баар уонна икки искусственнай арыылары холбуур, уу аала сылдьарын олохтуур. Бу муоста сэттэ аан дойдуга кэрэхсэнэр тутуулар ахсааннарыгар киирсэр. Тоҕо диэтэргин күүстээх тыаллары, алдьатыылаах силлиэлэри уонна да атын айылҕа урусхалын тулуйар дьикти тутуулаах. Гуйян куоракка 121 миэтирэ үрдүккэ тиийэр дьиэҕэ водопад оҥорбуттар. Искусственнай интеллект көмөтүнэн телевизор ыытааччытын айбыттар. Ол робот 24 чаас тохтоло суох күөх экраҥҥа саҥарар. Ону таһынан эбисийээнэ клоннарын оҥорбуттар. 5 G технологиятын Кытай 50 куоратыгар тутталлар, ол аата кинилэр «fifth generation» баһылаабыттарын туоһулуур. Уонна онтон да атын кэрэхсэнэр кытай сонуннарын ыытааччы кэпсээтэ.

Бу тэрээһиннэргэ сылдьан элбэх билиини ылбыппар Валентина Дамдиновнаҕа, оскуолам учууталыгар Аграфена Ивановнаҕа махталбын тиэрдэбин. Кинилэр күһүҥҥү сынньалаҥы үөрэнээччилэрэ көдьүүстээхтик атааралларыгар усулуобуйаны тэрийэллэр. Махтал, таптал, эрэл!

ХИФУ «Сэргэлээх» оскуола-лаборатория 6 «г» кылааһын үөрэнээччитэ

Петр Антонов

IMG 20211101 WA0124