WhatsApp Image 2021 10 18 at 11.23.06 2

«Үтүө дьоҥҥо оҕо илиитинэн» ("Детские ручки - добрым людям") социальнай, айар-тутар, саҥа бырайыагы Дьокуускай куорат 102-с нүөмэрдээх "Подснежник" уһуйаанын педагогтара олоххо киллэрбиттэр. Бу - "Птицефабрика" микро-оройуонун элбэх кыбартыыралаах дьиэлэр подьездтарын оҕолор уруһуйдарын быыстапкалаан туруоруу. Үтүө бырайыак 2019 сыллаахха ыам ыйын 29 күнүттэн олоххо киирбит. Ол сыл ыам ыйын 22 күнүгэр №102-дээх «Подснежник» уһуйаан, «Северное» УК уонна Дьокуускай куорат Автодорожнай уокуругун тэрилтэлэрэ "Үтүө дьоҥҥо оҕо илиитинэн" социальнай бырайыагы үлэлэтиигэ илии баттаабыттар.

WhatsApp Image 2021 10 18 at 11.23.07 2

2020 сыллаахха, «Алмазэргиэнбанк» көмөлөһөр уонна социальный бырайыактарын куонкуруһун түмүгэр бу аахсыйа «Ыраас эйгэ» номинацияҕа кыайыылааҕынан тахсыбыт уонна 25 тыһыынча граны ыларга ситиспит. Бу харчынан Птицефабрика оройуонун 6, 7, 9 нүөмэрдээх дьиэлэрин подъездтарын оҕолор уруһуйдарынан киэргэппиттэр.

WhatsApp Image 2021 10 18 at 11.23.07 1

Маны таһынан, 19-с нүөмэрдээх Орто оскуолатын кытта дуогабар олохтоммут. Онон, уһуйааны бүтэрбит оҕолор уруһуйдара быыстапкаҕа эмиэ киирбиттэр.

2021 сыллаахха бу  бырайыак «Народный бюджет» диэн куонкуруска кыайан 120 тыһыынчаны ылбыт.  Эмиэ бу сыл, көҕүлээччи бөлөх Автодорожнай уокуругу кытта  бырайыагы салҕыы олоххо киллэрэр туһугар харчыны көрүүгэ илии баттаспыт.  

«Норуодунай бюджет» бырайыак көмөтүнэн, алтынньы 15 күнүгэр «Мин Дьокуускай куоратым», «Мин Птицефабрикам» диэн тиэмэлэргэ оҕолор уруһуйдарын 10-с, 9-с, 8-с уонна 7-с дьиэлэр истиэндэлэригэр ыйаабыттар.

«Үтүө дьоҥҥо оҕо илиитинэн» социальнай хайысхалаах бырайыак бэйэтин үтүө уонна туһалаах дьыалатын салҕыырыттан үөрэбит. Бу барыта оҕолор уруһуйдарынан туолбут улахан галереяҕа кубулуйуоҕа.

Дьокуускай куорат102-с нүөмэрдээх оҕо уһуйаанын сонуннарыттан

WhatsApp Image 2021 10 18 at 11.23.07