****WhatsApp Image 2021 10 14 at 14.00.33

Эчи, ырааһыан!            

Эчи, сырдыгыан!

Оҕо эрдэхпиттэн

Эбэбинээн дьаарбайар,

Сөбүлээн оонньуур

Кыракый көлүччэлээх

Күөх кытылбын

Сып-сымнаҕас

Маҥан хаар

Сабан кэбиспит.

Эчи, ырааһыан!

Эчи, сырдыгыан!

Сыырым үрдүттэн

Сүүрэн тэлэмээттэнэн

Ыскамыайкабар тиийдим,

Ыйааста оонньуур

Кырдьаҕас үөт маспын

Кууһан турдум.

Саҥа хаар чэбдик салгынын

Эҕирийэ тыынным.

Эчи, ырааһыан!

Эчи, сырдыгыан!

Саҥа сыа хаарга

Төкүнүйэн ыраастанным,

Көрүөх бэтэрээ өртүгэр

Хаар киһини чөмчөттүм,

Тула өртүм сырдаан,

Сандааран көһүннэ.

Айылҕа биир кэрэ кэмэ

Абылыыр да күүстээххин.

Эчи, саҥа хаар ырааһыан!

Эчи, саҥа хаар сырдыгыан!

Алексей Шамаев, Нам улууhа, Хамаҕатта саха-французскай лиссиэйин 4 кылааһын үөрэнээччитэ

WhatsApp Image 2021 10 14 at 13.47.43 1

WhatsApp Image 2021 10 14 at 13.47.43

WhatsApp Image 2021 10 14 at 13.47.43 2