WhatsApp Image 2021 09 23 at 00.47.59 1

Балаҕан ыйын 17 күнүгэр оскуолабытыгар  5-11 кылаас оҕолоругар анаан  «Битва титанов» диэн бэрт сэргэх аныгылыы «тимбилдинг» ыытылынна. Оҕолору биэс хамаандаҕа арааран, хамандыырдары талан, наставниктары анаан нэдиэлэ инниттэн бэлэмнэнии саҕаламмыта. Хамандыырдар 11 кылаас үөрэнээччилэрэ, наставниктар “Түмэн” түмсүү оскуолабыт эдэр үлэһиттэрэ. Хас биирдии хамаанда эрдэтинэ бэйэни билиһиннэриитин уонна дьиэҕэ сорудаҕын бэлэмнээбитэ.

WhatsApp Image 2021 09 23 at 00.47.50

Күрэх алта түһүмэхтэн турар. Хас түһүмэх аайы оҕолору сонун, ураты оонньуулар күүппүттэрэ. Ол курдук I түһүмэх «Командное творчество», II түһүмэх «Полевые испытания», III түһүмэх «Рэп», IV түһүмэх «Дэнстерапия», V түһүмэх «Остаться в живых», VI түһүмэх  «Проверка на себе».

WhatsApp Image 2021 09 23 at 00.47.59 2

Тыҥааһыннаах киирсии түмүгүнэн: 4 миэстэ – «Урааҥхай» (наставник: Неустроева А.Е., Кычкин П.П., хамандыыр: Игнатьев Денис (11 кылаас), 3 миэстэ- «Феникс» (наставник: Попов Ф.Н., Андросова И.И., хамандыыр: Игнатьев Денис (11 кылаас) уонна «Комета» (наставник:Михайлова И.И., Птицын А.П., хамандыыр: Колесов Женя (11 кылаас ), 2 миэстэ – «Твикс» (наставник: Иванов И.В., Сокольникова А.П., хамандыыр: Сергучев Коля (11 кылаас), 1 миэстэ -  «Куобахчааннар» (наставник: Иванов М.И., Охлопкова А.Д., хамандыыр: Сыромятников Марик (11 кылаас ) буолары ситистилэр.

WhatsApp Image 2021 09 23 at 00.48.00

Күрэх кыттыылаахтарын оскуолабыт дириэктэрэ Л.Д.Сыромятникова эҕэрдэлээтэ уонна кыайыылаахтарга «Кубок титана» үөрүүлээх быһыыга-майгыга туттарда.   Оҕолор, эдэр үлэһиттэр  саҥа үөрэх дьылын  олус сэргэхтик саҕалаатылар, сонун күрэхтэн астыннылар, үөрэххэ-үлэҕэ күүс-сэниэ ыллылар.

WhatsApp Image 2021 09 23 at 00.48.01

Ксения Игнатьева, 10 кылаас, Мэҥэ Хаҥалас, Мэлдьэхси, «Үктэл пресс-киин»