киин арыллыытын тугэнэ

Быйылгы үөрэх дьылын көрсө биһиги Константинов И.И.-Дэлэгээт Уйбаан аатынан Сулҕаччы уопсай орто үөрэхтээһин оскуолабытыгар «Үөрэхтээһин» национальнай бырайыагынан естественнэй-научнай хайысхалаах «Точка роста» сыыппаранан үөрэхтээһин киинэ арылынна. Киин сүрүн сыала - оҕолор хаачыстыбалаахтык үөрэнэллэригэр кыах биэрии.

 

Сайыңңы сынньалаң кэмигэр 3 кабинет саңалыы өрөмүөннэнэн, үөрэххэ туhалаах тэриллэр кэлэн биһиги үөрдүбүт. «Точка роста» кабинеттарын салайар предметник учууталлар Винокурова Р.П, Горбач Т.А. бу сайын аныгы технология ирдэбилинэн, интернет ситимин нөңүө «Кванториум» цифровой үөрэхтээһин куурустарыгар үөрэннилэр, билиилэрин-көрүүлэрин хаңаттылар. Үөрүүлээх күн улуус баhылыгын тутууга солбуйааччы Смирников Виктор Владимирович, үөрэх салалтатын информационнай-методическэй салаатын сүрүн специалиһа Карпова Серафима Ивановна, Сулҕаччы нэһилиэгин  баһылыгын солбуйааччыта  Неустроев Василий Александрович, оскуолабыт дириэктэрэ Никифоров Алексей Ильич эҕэрдэлээтилэр, үөрэнээччилэр сайдыы биир саңа суолугар үктэммиттэринэн хаачыстыбалаах үөрэҕи, киэң билиини баҕардылар.

биология кабинета

Саңа арыллыбыт “Точка роста” киин салайааччыта физика, информатика учуутала Винокурова Р.П оҕолору чинчийэр үлэҕэ күүскэ ылсалларыгар ыңырда, онуоха үлэлиир кыах баар буолтун бэлиэтээн эттэ. Онтон биология, химия учуутала Горбач Т.А. “оҕолор химия, экология, информатика, физика, физиология, нейротехнология наукаларын уруокка эрэ буолбакка кылаас таһынан дьарыкка үөрэтиэхтэрэ” диэн иһитиннэрдэ.

физика кабинета

 Ити курдук улуус кииниттэн тэйиччи турар кыра нэһилиэк аҕыйах ахсааннаах оҕолоох оскуолата аныгы тэтимнээх олохтон хаалсыбакка үөрэх сайдыы туhугар иннин диэки хардыылыыр. Биhиги оҕолор  билиибит- көрүүбүт, үөрэххэ тардыhыыбыт  эбиллэ турдун! 

Вениамин Сунхалыров, 6 кылаас үөрэнээччитэ, Сулҕаччы нэһилиэгэ, Амма улууһа

мин Точка роста биология кабинетыгар