Дьокуускай куорат 12-ис нүөмэрдээх оскуолатын 11 "б" кылааһын үөрэнээччитэ Сандаара СЕМЕНОВА наһаа бэркэ хоһоон суруйар. Кыыс иллэҥ кэмигэр хоһоон айар, араас куонкурустарга ситиһиилээхтик кыттар. Хоһоону уус-ураннык ааҕыы күөн күрэстэрин хас да төгүллээх кыайыылааҕа. Маны таһынан, Сандаара иллэҥ кэмигэр элбэх экспедицияҕа сылдьар, хаартыскаҕа түһэрэрин сөбүлүүр айар куттаах оҕо.

 

WhatsApp Image 2021 10 07 at 10.16.14

***

Эркээни эҥэр хочоҕо
Эллэй олорбут сиригэр,
Тэллэй тэлээрэ тэппэйдэ,
Сир аһа ситэ үүннэ.
Күөх от – барыта
Кытара саһарда,
Кырдал, тыа суугунаан
Кулгаахпын сымнатта.
Өрүс тас үөһүгэр,
Олоробун ууну одуулаан,
Сиккиэр тыал баттахпынан
Оонньоон ааһар ардыгар.
Кэрэтиэн бу көстүү –
Өлүөнэ өрүс кытыла,
Кини киэҥ иэнэ,
Эйэҥниир долгуна.

WhatsApp Image 2021 10 07 at 10.16.13

*****
Эмиэ ситэри суруллубатах хоһоон,
Санаабар, өйбөр иччитэх хороон,
Эн арылхай хараххар холоон
Саһарда сыһыы, толоон.
Остуолбар хаппыт сибэкки –
Энбарбытыҥбэлиэтэ,

Таһырдьа саһарбыт сэбирдэх –
Көмүс күһүн кэрэтэ.
Иэйиим дьэ киирдэ,
Хоһооммун суруйуум
Сотору эмиэ көтүө
Утуйар сылаам, уум.

WhatsApp Image 2021 10 07 at 10.16.14 1

Сандаара Семенова