****
Эбэм сымнаҕас илиитэ
Бэрэскиинэн күндүлүүр
Эйэ5эс , элэккэй майгыта
Үөрэтэр миигин кэрэҕэ
Минньигэс сыттаах алаадьыта
Ыраахтан ыҥырар биһигини
Кырылыы көөнньүбүт буппаҕа
Сүрэҕи үөрдэр –көтүтэр
Дагда ытыйар тыаһыттан
Күнүм күөрэйэн тахсарын,
Күөрэгэйим ыллыырын
Күндүтүк даҕаны саныыбын.
Михеева Саша, 6 кылаас
Эбэкэм, эһэкэм барахсан
Эйэҕэс санаалаах,
Сырдык мичээрдээх
Минньигэс бэрэскиилээх,
Эбэкэм барахсан
Ахтаннар күүтэллэр,
Тиийдэхпинэ кууһаллар,
Истиҥник кэпсэтэллэр,
Куруук үөрдэр аналлаахтар.
Аймахтарын сүрүннүүр
Эһэкэм барахсан
Барытын быһаарсан
Сүүрэрэ түргэнин.
Эйэҕэстик күлэн
Уруйдуу көрсөрө
Сүрэхпэр иҥэн
Хааллаҕа кэрэтин.
Тимофеева Сайаана, 10 кылаас
****
Эһэм, эһэм барахсан
Сайынын оттуур
Эриэкэй ынаҕын
Сыһыыттан сылгылыыр
Эйэҕэсчэй эһэкэм
Көмүстүүрэ илиилээх
Эһэкээммэр тапталым
Муҥура биллибэт.
Нюргуяна Винокурова,
6 кылаас
****
Ытык кырдьаҕас
Эйиэхэ илиибин уунабын
Сүрэхпин эйиэхэ биэрэбин
Ытык саастааҕым
Уһун олоххун олорон
Сиэннэргин көрө сылдьарыҥ
Ытык тылгынан алгыстаан
Үтүө дьоннору көрөрүҥ.
Иванова Алина,
10 кылаас
****
Эбээ мичээрэ,
Эбээ кэрэтэ,
Элбэххэ үөрэтэр,
Олоххо сирдиир
Минньигэс аһа
Дыргыл сыта тунуйар
Айылҕалыын алтыһарга
Үөрэтэр миигин.
Боря Анисимов,
10 кылаас
****
Харахпар көрбөтөх эһэбин
Хаартыскаттан билэбин
Унаарыччы көрбүт хараҕа
Одуулуур миигин супту.
Ийэм кэпсээниттэн
Истэбин элэккэй майгытын
Киэҥ холку көҕүстээҕин
Сылгыһыт бэрдэ эбитин.
Киэҥ тайҕаны кэрийэр
Кадровай булчут эбитин
Сыһыы, сыһыы муҥунан
Сыспай сиэллээҕи көрбүтүн.
Сайынын оҕолору мунньан
Ходуһа хоһууна гынарын
От күргүөмнээх үлэтигэр
Үөрэппит үтүөлээҕин.
Эһэм такайбыт оҕолоро
Үтүө үлэһит дьоннор
Үгүс сылы уҥуордаан
Эһэм үгэһин үксэтэллэр.
Любамира Васильева, 10 кылаас
Махтал тыл кырдьаҕастарбар
Сайаҕас майгылаах
Арылхай дууһалаах
Ытыктыыр, убаастыыр
Аҕа саастаахтарбыт
Тапталбытын аныахпыт
Ахсыс кылаас
Айар-тутар оҕолоро
Харыстыахпыт, убаастыахпыт
Тохсус кылаас
Эйэҕэс, сайаҕас оҕолоро
Махтаныахпыт, маанылыахпыт
Эһигини киэн туттар
Онус кылаас оҕолоро
Ыраас халлааны бэлэхтээбиккитигэр
Сүгүрүйүөхпүт биһиги
Дьоллоох оҕо сааһы өрө туппут
Уон биирис кылаас оҕолоро
Баҕарабыт эһиэхэ
Сир үрдүгэр баар бары үчүгэйи
Кэрэттэн кэрэни,
Үөрүүттэн үөрүүнү.
Любамира Васильева,
10 кылаас
