«Бэлэм буол+» (belembuol.ru) оҕо онлайн-түһүлгэтэ Балаҕан ыйын 22-30 күннэригэр @belembuol инстаграм ситимигэр «Сахам Сирэ – биир эрэ» Саха Өрөспүүбүлүкэтин судаарыстыбаннаһын күнүн чэрчитинэн, төрөөбүт дойду туһунан уус-уран ааҕыы күөн күрэһин ыытта.

e1e90a8f 1b65 449a 849c 7d666819dd00

Тэрээһин сыалынан-соругунан сахалыы уус-уран ааҕыыны көҕүлээһин, сахалыы ааҕар дьоҕурдаах оҕолору киэҥ эйгэҕэ билиһиннэрии, саҥа ааттары көрдөөһүн уонна төрөөбүт дойдуга тапталы, ытыктабылы иҥэрии этэ.

Усулуобуйа быһыытынан ааҕыллар айымньы темата булгуччу төрөөбүт дойду, Саха Өрөспүүбүлүкэтин туһунан буолуохтааҕа уонна кыттааччы оҕо уус-уран айымньыны ааҕа турар видеота 3 мүнүүтэттэн ордук уһун буолуо суох этэ.

Күрэхпит дьүүллүүр сүбэтигэр үлэлээтилэр:

Шишигина Любовь Егоровна - Өксөкүлээх Өлөксөй аатынан норуоттар доҕордоһууларын дьиэтин этнкультураҕа салаатын сэбиэдиссэйэ, СӨ культуратын туйгуна;
Кычкин Пётр Петрович - Кэбээйи улууһун Сангаар бөһүөлэгин «Шахтёр» Сынньалаҥ киинигэр түмсүүлэри, куруһуоктары кытта үлэлэһэр специалист, СӨ культуратын туйгуна;
Васильев Евгений Иванович – «Кыым.ру» саайт корреспондена, «Айар аартыкпыт аргыстара» суруйарга холонооччу эдэр ааптардар түмсүүлэрин чилиэнэ.

Күрэх түмүгүнэн кыайыылаахтар ааттара билиннэ:

• «I үрдэл» - Александров Коля, С.А.Новгородов аатынан Чурапчы Орто оскуолатын 7 кылааһын үөрэнээччитэ, салайааччы – Пестерева Т.М.;
• «II үрдэл» - Петрова Оливия, Өкүндү оскуолатын 4 кылааһын үөрэнээччитэ, Бүлүү улууһа, салайааччылар - Петрова В.Н., Васильев Б.Н.
• «III үрдэл» - Семенова Вика, Дьокуускай куорат 12-с нүөмэрдээх оскуолатын 8-с кылааһын үөрэнээччитэ, салайааччы - Ксенофонтова К. Б.

Кыайыылаахтары итиитик-истиҥник эҕэрдэлиибит уонна инникитин өссө даҕаны үрдүк ситиһиилэри баҕарабыт.


Алтынньы ый 7-8 чыыһылатыттан саҕалаан электроннай добун суруктар уонна кыттыы иһин туоһу суруктар ыытыллыахтара.

Бириистэри алтынньы 5 күнүттэн бу аадырыстан кэлэн ылаллар: Дьокуускай куорат, Киров уулуссатын 18-с дьиэтэ, В блок, 709 кэбиниэт. Үлэлиир бириэмэтэ: 10-18 ч., билсэр нүөмэр - 89141027856