Кэлэн иһэр учуутал күнүнэн М. В. Петрова аатынан Таастаах орто оскуолатын үөрэнээччилэрэ учууталларын хоһоон суруйан эҕэрдэлииллэр. Айымньылар олус истиҥнэр, оҕолуу ыраастар, сэмэйдэр. Ааҕыҥ, сэргээҥ, сахабыт тылын өрө тутуоҕуҥ!

Таастаах ОО оҕолоро 1

Учуутал

Учууталтан үөрэнэбит

Ааҕарга, суруйарга.

Учууталтан истэбит

Араас сэргэх сэһээннэри.

Учууталтан уһуйуллабыт,

Кыһамньылаах буоларга.

Саҥаттан саҥаҕа

Салайтарабыт.

Сайдыылаах саҕахха

Салаллабыт учууталлыын.

Ханна да бардарбыт

Хас сылын ахсын

Умнуохпут суоҕа

Учууталбыт уһуйууларын!

Улахан киһи буолан туран

Учуутал доҕорбутугар махтаныахпыт!

 Аммосова Александра, 9 кылаас

 

Сырдык учуутал

Учуутал өйдөөх,

Бастыҥ билиилээх,

Күндү учууталларбытын

Олус убаастыыбыт!

Куруутун мичээрдии сылдьаргытын

Баҕарабыт.

Учуутал эн баар буолаҥҥын

Ааҕарга суруйарга үөрэнэбит.

Учуутал сырдык санаалаах,

Учуутал көмөлөһөр, үөрэтэр,

Учуутал сырдыкка тардар.

Үтүөҕэ, үрдүккэ салайар.

Учууталлары барыларын таптыыбыт,

Убаастыыбыт кэрэтик саныыбыт.

Муксунова Анжела, 5 кылаас

 

Күндү учуутал

Күндү учуутал

Маҥнайгы кылаастан

Төрдүс кылааска диэри үөрэтэн

Бүөбэйдээн аҕаллын.

Биһиги номнуо

Бэһис кылаастарбыт.

Эн биһиэхэ куруутун

Көмө – күүс буолаҕын,

Биһигини сырдыкка кэрэҕэ

Көтүтэҕин.

Учуутал эйиэхэ

Махталбытын этэбит.

Иванов Алеша 5 кылаас

 

Эйэҕэс учуутал

Учуутал олус тулуурдаах,

Биһигини маҥнайгы кылаастан

Бүөбэйдээн улаатыннарар,

Оскуола боруогун атыллаан,

Билии аартыгар үктэнэрбитэ,

Сиэтэн киллэрбитэ,

Алима Илларионовна.

Маҥнайгы кылаас аартыгын

Атаарбыппыт

Алима Илларионовналыын.

Эйэҕэс учууталбын

Хаһан да умнубаппын.

Иванова Василина. 5 кылаас

 

Учуутал

Биһиги номнуо

Бэһистэрбит

Бэһиэн бэһиэлэйдэрбит.

Бастакы кылаастан

Биһигини үөрэппит

Учууталбытын

Мария Михайловнаны

Олус ахтабыт.

Кини биһигини

Элбэххэ үөрэппитэ,

Билии үгүһүн биэрбитэ.

Хаһан да умнуо суохпут

Бастакы учууталбытын.

Аргунов Артем, 5 кылаас

 

Учууталым

А буукубаттан саҕалаан

Элбэҕи, саҥаны арыттарбыта

Маҥнайгы учууталым

Мария Николаевна.

Кинини кытта

Билии эйгэтигэр

Дириҥник умсубутум.

Өрүү учууталым

Мария Николаевна эппит

Истиҥ тылларын,

Аргыс оҥостобун.

Куруутун күндү учууталым

Эппит сүбэтин - аматын

Умнуом суоҕа!

Егорова Виола, 6 кылаас.

****

Учуутал, учуутал

Иккис ийэбит кэриэтэ

Оҕотун көрөр курдук

Бүөбэйдиир, такайар.

Кинилиин саҥаттан саҥаны

Билэбит, арыйабыт.

Кэрэттэн-кэрэҕэ

Кэккэлэһэбит.

Учуутал учуутал

Иккис ийэбит кэриэтэ.

Атастыров Женя, 7 кылаас

****

Ахтыбыт эбиппин

Сайыҥҥы сынньалаҥ кэнниттэн

Ахтыбыт эбиппин

Учууталларбын.

Кинилэр такайыыларын,

Билиигэ сирдииллэрин,

Ахтыбыт эбиппин.

Сэттис кылааска үктэнэн

Саҥаны арыйыам,

Учууталларбынаан.

Үтүмэн үгүһү үөрэтиэхтэрэ,

Билии кынаттыахтара

Күндү учууталларбыт.

Оконешников Женя, 7 кылаас

****

Учуутал дуһаата сырдык,

Учуутал сүрэҕэ уйан,

Учуутал биһиги доҕорбут,

Учуутал биһиги атаспыт,

Кыһаллар мүһэллэр киһибит.

Кини үрдүккэ кынаттыыр,

Кини үтүөнү эрэ баҕарар.

Учуутал эн баар буолаҥҥын

Ааҕабыт, суруйабыт.

Суоттуубут, толкуйдуубут.

Барҕа махтал буолуохтун!

Билии кыһатын киһитигэр

Учуутал доҕорбутугар!

Антонова Диана, 7 кылаас

****

Ньургун Гаврильевич

Сэттэ сыл устата

Билии кыһатыгар уйдарабыт.

Араас уруоктарга

Үөрэнэбит.

Элбэх учууталлыын

Алтыһабыт.

Чорботобун биир учууталы

Ньургун Гаврильевиһы!

Кини уруога ураты миэхэ,

Олус чугастык ылынабын,

Кини сүбэтин-аматын.

Кини уруогар быһаарарын

Тута ылынабын.

Кэпсиирин болҕойон истэбин.

Улахан киһи буоллахпына

Ньургун Гаврильевич

Эппит тылларын

Аргыс оҥостуом!

Гаврильев Виктор, 7 кылаас

 

Учуутал

Үрдүккэ, сырдыкка кынаттыыр

Үтүөҕэ, үтүмэҥҥэ угуйар,

Үөрэтэр – такайар,

Учуутал эн буолаҕын.

Уустук да кэммитигэр,

Уруйдаах да түгэммитигэр

Үөрэҕин Учуутал.

Махтанабыт! учууталларбытыгар

Уһуйуугут иһин.

Муксунова Иза, 9 кылаас

****

Билии биэрэҕин,

Быһааран өйдөтөҕүн,

Истиҥ сыһыаннааххын,

Эйэҕэс санаалааххын,

Учуутал доҕорум.

Этигэн тылларынан

Эйээрэн этэҕин.

Биһигини үөрэхтээх

Үлэһит маанылаахтара

Буола улаатыннар диэн

Кыһаллаҕын – мүһэллэҕин.

Ширяева Анна, 9 кылаас

 

Учууталлар

Учуутал

Маҥнайгы кылаастан

Ийэ кэриэтэ

Бүөбэйдиигин.

Маҥнайгы кылаастан

Маанылыыгын биһигини.

Эһиги үлэҕит сыралаах,

Учууталлар үлэлэрэ элбэх.

Хас биирдии оҕоҕо

Бэриниилээхтэр учууталлар.

Үөрэнээччилэрин олус тапттыыллар

Биһиги эмиэ эһигини таптыыбыт

Эһиэхэ махтал тылын этэбит.

Аргунов Альберт, 5 кылаас