Сотору учуутал күнэ үүнүөҕэ. Оттон Нам улууһун Хамаҕатта саха-французскай лиссиэйин 4-с кылааһын үөрэнээччитэ Алексей Шамаев учууталыгар олус истиҥ хоһоон суруйбут. Биһиги эрэллээх ааҕааччыбыт, ыалдьыппыт бу иннинэ хаста даҕаны бэйэтэ айбыт хоһооннорун ыыппыттааҕа. Билигин кини «Учууталым харахтара» айымньытын ааҕыҥ, сэргээҥ.

WhatsApp Image 2021 09 28 at 21.34.29

Учууталым харахтара

 

Үөрэнэ олорон,

Бастакы учууталбын

Санаан ахтабын.

Дуоска иннигэр

Учууталым турара

Харахпар өрүү баар.

Учууталым харахтара

Туохтан да кэрэ!

Үөрэн,сырдаан,

Мичийэн көрөрүн

Илин мыраан үрдүгэр

Ойон тахсар

Күммэр тэҥниибин.

Учууталым харахтара

Туохтан да күндү!

Оҕо сааспар кэрэхсээбит

Араҕастай төбөлөөх

Алтан оппор -

Току-току ньээм

Сибэккибэр холуубун.

Учууталым харахтара

Имэрийэ көрөллөр,

Олус да сылаастык,

Ол аата таптыыллар.

Таптыыллар - сүрэҕинэн!

Мин күндү киһибин -

Учууталбын эмиэ таптыыбын.

Алексей Шамаев