WhatsApp Image 2021 08 31 at 18.47.32Балаҕан ыйын 31 күнүгэр Дьокуускай куорат Кыайыы болуоссатыгар  «Оҕону оскуолаҕа бэлэмниэххэ» аахсыйа тэрээһинэ буолан ааста. Бу дьоро чааска күммүт биһиэхэ эрэ анаан чаҕылыччы тыкта, таһырдьа киһи эрэ астыныах сылыйда, элбэх оҕо-аймах муһунна.

Бу үтүө санааттан тахсыбыт аахсыйаны «Цунами добра» бырайыак ааптара, уопсастыбанньык Наталья Дмитриевна Сивцева иилээн-саҕалаан ыытта. Тэрээһин сыалынан-соругунан доруобуйаларыгар хааччахтаах, олох уустук балаһыанньаларыгар түбэспит оҕолорго успуонсардар олохтообут бириистэрин, бадаарактарын үөрүүлээх быһыыга-майгыга туттарыы буолла. Барыта холбоон маҥнайгы кылааска киирбит саастаах кырачааннартан саҕалаан 11-с кылааска диэри 58 оҕо кэлбит.

Тэрээһин саҕаланыытыгар «Биир ньыгыл Арассыыйа» баартыйа бэлиэтэ буолбут Эһэ Миискэ киирэн тоҕуоруһа мустубут оҕолору сааратта. Салҕыы 4 кылаас үөрэнээччитэ Даниил Неустроев оҕолуу истиҥник Дмитрий Колдун репертуарыттан «Царевна» ырыаны толордо. Онтон бэрт сэргэх ырыа-тойук, үҥкүү, таабырын таайсыыта даҕаны баар буолла. «SnowVoice» уолаттар бөлөхтөрө биллэр-көстөр ырыаларын ыллаатылар. Дьокуускай куорат Губинскай уокуругун салайааччыта Гулжан Абдикиримовна Огоннерова, Саха Сиринээҕи  “Биир ньыгыл Арассыыйа” баартыйа ЯРО сэкэрэтээрин солбуйааччыта уонна  Дьокуускай куорат дууматын дьокутаата Владимир Владимирович Аммосов, Саха Өрөспүүбүлүкэтин норуодунай дьокутаатын Мария Николаевна Христофорова көмөлөһөөчүтэ Галина Лукинична Колесова, успуонсар Хуршид Тимиркулович Рахматов эҕэрдэ тыл эттилэр. Онтон «Биир Ньыгыл Арасссыыйа» баартыйа регионнааҕы уопсастыбаннай приемнайын  салайааччытын солбуйааччыта Саргылана Александровна Неустроева оҕолору эҕэрдэлээн баран маҥнайгы кылааска киирбит кырачааннарга сибэкки уонна бэлэх туттартаата. Салгыы Наталья Дмитриевна оҕолору биир-биир ыҥырталаан күүтүүлээх бэлэхтэрин биэртэлээтэ. Бу күн хас биирдии оҕо дьоллонно, ким даҕаны туохтан даҕаны маппата.  

Үтүө аахсыйа успуонсардарынан буоллулар:

«Якутия» венчурнай хампаанньа, генеральнай дириэктэр В.В. Ефимов;ИП Ахмедова О.Н. «Шахризабиз»;ИП Рахманова Х.Т., кафе “Севара”;“Биир ньыгыл Арассыыйа” баартыйа;Саха Өрөспүүбүлүкэтин норуодунай дьокутаатын Мария Николаевна ХристофороваИП Бабичева Е.А., “Флагман” маҕаһыын;Гордума дьокутаата Владислав Михайлович Дмитриев.

WhatsApp Image 2021 08 31 at 18.47.39

WhatsApp Image 2021 08 31 at 18.47.36

WhatsApp Image 2021 08 31 at 18.47.36 2

WhatsApp Image 2021 08 31 at 18.47.36 1WhatsApp Image 2021 08 31 at 18.47.33