Түмүк хаарытска 1

Быйыл сайын от ыйын 9 күнүттэн атырдьах ыйын 20 күнүгэр диэри «Бэлэм буол+» (www.belembuol.ru) оҕо онлайн түһүлгэтэ «Айылҕа уонна Мин» хаартыска күрэҕин биллэрбитэ. Кыттааччылар хаартыскалара @belembuol инстаграмҥа ситиммитигэр тахсан испиттэрэ, оттон көрөөччүлэр уонна «ыалдьааччылар» сөбүлээбит хаартыскаларыгар сүрэҕи баттаабыттара. Күрэх усулуобуйатын быһыытынан, 3-н 15 саастаарыгар диэри барыта 51 оҕо кытынна. Дьэ ол курдук, Сахабыт сирин кэрэ айылҕатыгар сылдьан түспүт оҕолор эриэккэс хаартыскалара биир-биир күрэххэ киирэн инстаграмҥа ситиммитин киэргэттилэр, сырдык тыыннаатылар.

Дьэ ол курдук, ким элбэх сүрэҕи хомуйбутунан кыайыылаахтар быһаарылыннылар:
✅«I үрдэл» - Нам улууһуттан 3 саастаах Айыллаана Мойтохонова;
✅ «II үрдэл» - Дьокуускай куорат Айыы кыһатын үөрэнээччитэ Антоний Сивцев ;
✅ «III үрдэл» - Бүлүү улууһуттан 4 саастаах Оля Макарова.

Бары кыттааччыларга кыттыыгыт иһин махтанан туран туоһу суруктар барбыттара, оттон кыайыылаахтарга электроннай добун суруктар ыытыллыахтара.
✅Миэстэлэспит оҕолор сэмэй бириистэрин "Бэлэм буол+" оҕо онлайн түһүлгэтин эрэдээксийэтиттэн кэлэн ыларгытын күүтэбит: Дьокуускай куорат, Киров уулуссатын 18-с дьиэтэ, 7 этээс, 709 кабинет (кэлиэххит иннинэ 89141027856 эрийэн билэҕит).

Кыайыылаахтары өссө биирдэ итиитик-истиҥник эҕэрдэлиибит