WhatsApp Image 2021 07 14 at 16.11.40 11

Бэс ыйын 5-с күнүттэн Ньурба улууһун Ньурбачаан «агро» хайысхалаах орто оскуолатыгар сылын аайы үлэлиир «Неболейка» лааҕыр быйыл эмиэ тиһигин быспакка оҕолору мунньан, үлэлии-хамсыы турар. Манна бэйэбит оскуолабыт үөрэнээччилэрэ уонна дэриэбинэҕэ сайылыы сынньалаҥҥа кэлбит  оҕолор сылдьаллар. Лааҕырбыт успуорт уонна чэгиэн буолуу хайысхалаах.

WhatsApp Image 2021 07 14 at 16.11.40 17

Маны таһынан, агро-оскуола буоларбыт быһыытынан, лааҕыр иитиллээччилэрэ биһиги оскуолабыт иитэр кыылларын, үүннэрбит үүнээйилэрин, оҕуруоттарын көрөллөр.

Бастакы сезоммут номнуо бүтэн билигин иккис аҥаара үлэлии турар. Бу ааспыт кэрчик кэмҥэ математика учуутала Колесова А.Н. уонна омук тылын учуутала Петрова М.А. оҕолору салайан, араас тэрээһиннэри ыытан, үөрэтэн, үлэлэтэн түмүктээбиттэрэ. Билигин иккис сезоммут оҕолорун физкультура учууталын Попова Л.Ю.-ны кытта технология учуутала Константинов П.К. салайан илдьэ сылдьаллар.

WhatsApp Image 2021 07 14 at 16.11.40 14

Иитиллээччилэр күн аайы үөрэ-көтө лааҕырдарыгар кэлэллэр. Успуорт хайысхатыгар араас элбэх күрэхтэһиилэр, оонньуулар буолаллар.

WhatsApp Image 2021 07 14 at 16.11.40 16

Козафермаҕа тиийэн козаларга сибиэһэй күөх оту үргээн биэрэллэр, маастарга көмөлөһөллөр, хортуоска буолатыгар баран сыыс от үргүүллэр уонна да атын күннээҕи үлэлэри толороллор.

WhatsApp Image 2021 07 14 at 16.11.40 15

Маны таһынан, оҕолор олус минньигэс, битэмииннээх аһы быспакка аһыыллар. Икки сезон тухары минньигэс астаах асчыппыт Елисеева Т.Н. оҕолору кытта тэҥҥэ үөрэн-көтөн, аһатан-сиэтэн сырытта.

WhatsApp Image 2021 07 14 at 16.11.40 6

Ити курдук, үлэни, успуорту тэҥҥэ дьүөрэлээн сылдьыбыт лааҕырбыт бу нэдиэлэҕэ түмүктэнэр. Оҕо кыра эрдэҕиттэн үлэнэн үлүһүйэрэ хайҕаллаах суол. Үлэ киһини киэргэтэр!

Бу сайын устата тиритэ-хорута үлэлээбит лааҕыр үлэһиттэригэр барҕа махталбытын тиэрдэбит.

Ньурбачаан «Неболейка» лааҕырын иһитиннэриитэ, 14.07.21с.

WhatsApp Image 2021 07 14 at 16.11.39 1