Анна Колосова - кэскиллээх саҥа ааптар 

Анна Колосова 1

Колосова Анна Борисовна 2002 сыллаахха Хатас орто оскуолатын бүтэрбитэ. 2016 сыллаахтан Уус Алдаҥҥа, Бэйдиҥэ орто оскуолатыгар саха тылын уонна литературатын учууталынан үлэлиир. Оскуола иһинэн “Үнүгэс” хаһыаты үлэлэтэр. 2013 сыллаахтан иллэҥ кэмигэр оҕолорго аналлаах кэпсээннэри, остуоруйалары, хоһооннору уонна үгэлэри суруйарга  холонор. Өрөспүүбүлүкэтээҕи ХХ уонна ХХI  Эдэр суруйааччылар сүбэ мунньахтарын кыттыылааҕа. 

Айымньылара оҕолору сиэр-майгы өттүнэн үөрэтэр-иитэр суолталаахтар.

Анна остуоруйаларын уонна үгэтин «Бэлэм буол+» онлайн түһүлгэтиттэн бу сыылкаларынан киирэн көрүҥ - https://belembuol.ru/more/ostuoruja-kuduga/128-kutujakh-ostuoruja-aaptar-anna-kolosova - «Кутуйах (остуоруйа)»,   https://belembuol.ru/more/ostuoruja-kuduga/129-ytannakh-bylytchaan-ostuoruja-aaptar-anna-kolosova - «Ытанньах былытчаан» (остуоруйа), https://belembuol.ru/more/ostuoruja-kuduga/130-le-ki-ini-kiergeter-ge-aaptar-anna-kolosova - «Үлэ киһини киэргэтэр» (үгэ).

Анна оҕолорго аналлаах хоһооннорун сэргии ааҕыҥ:

Ылдьаабыт ыалдьыбыт

    Ылдьаа хоһоон  

Халыҥнык таҥныбакка,

Ийэтин истибэккэ,

Ылдьаабыт ыалдьыбыт,

Букатын буорайбыт.

 

Күөмэйэ  бүппүт,

Төбөтө итийбит,

Титириирэ бэргээбит,

Сытара элбээбит.

 

Таһырдьа оҕолору,

Түннүгүнэн одуулуур,

Көрөн  ымсыырар,

Үтүөрэрин кэтэһэр.

 

Идэ диэн тугуй?

Идэ хоһоон

Улааттаххына,туох идэлэнэҕин?

Ханна үлэлиир буолаҕын?

Киһи барыта ыйытар,

Ол миигин толкуйдатар.

 

Танюша ийэтэ  быраас,

Балыыһаҕа үлэлиир,

Доруобуйаны көрөр,

Ыалдьыбыты эмтиир.

 

Толя аҕата летчик,

Самолёту ыытар,

Халлаан урсунун хайытан,

Былыт быыһынан көтүтэр.

 

Оля ийэтэ учуутал,

Оскуолаҕа үлэлиир,

Оҕолору үөрэтэр,

Үөрэххэ,билиигэ угуйар.

 

Күн сиригэр араас идэ баар,

Онтон биири талыаҕым,

Олоҕум тухары таптыаҕым,

Үлэбэр бэриниилээх буолуоҕум.

 

Сүппүт куобах

Куобах хоһоон

Халыҥ ойуур саҕатыгар,

Хаппыт талах быыһыгар,

Саһан олорбута куобахчаан,

Улаата илик,өссө да кырачаан.

 

Ийэтин тылын истибэккэ,

Мунан хаалбыт иһириккэ,

Ханна да барыан билбэккэ,

Олороохтуур хамсаабакка.

 

Ийэтин ыҥыран ытаата,

Хараҕын уутун бараата,

Ыраахтан истэн ийэтэ,

Булан ылла оҕотун.

 

Минньигэс ас буортута

Минньигэс ас туһунан хоһоон

Минньигэһи элбэхтэ сиир оҕо,

Тииһэ барыта баранар,

Алдьанан турута барар,

Ыалдьан аанньа утуппат.

 

Минньигэһи элбэхтэ сиир оҕо,

Күүһэ-күдэҕэ суох буолар,

Сэниэтэ түргэнник баранар,

Туттара-хаптара бытаарар.

 

Оҕо аһыахтаах чэгиэн аһы,

Тотоойу миини,торуойу,

Сылаас үүтү,иэдьэгэйи,

Үрүҥ астан үгүһү!

 

Оччоҕо түргэнник улаатар,

Уҥуоҕа,былчыҥа кытаатар,

Доруобуйата олус тупсар,

Толкуйдуур дьоҕура сайдар.

 

Анна айымньыларын инникитин өссө даҕаны таһаарыахпыт диэн эрэннэрэбит.