Конкурсант 2

Кыттааччы №2

Сайын

Таһырдьа сып –сылаас,
Чыычаахтар ыллыыллар.
Күн уота күүһүрэр,
Хонуу сибэккинэн симэнэр.

Сарсыарда тураммын ,
Таһырдьа сүүрэбин.
Сайыҥҥы салгыны,
Астына тыынабын.

Күөлбэр сөтүөлүөм,
Күүс-уох эбиниэм.
Сөрүүн уутугар,
Ыстана мин оонньуом.

Сайыны таптыыбын,
Сайыны күүтэбин,
Кини миэхэ өрүү
Үөрүү кыымын саҕар.


Эверстова Нарыйаана, 7 кылаас, Л.Н. Харитонов аатынан Маҕарас орто оскуолата, Горнай улууһа.

Конкурсант 3

Кыттааччы №3

 Сайын

Сайын кэллэ, сайын кэллэ,
Куйаас күннэр үүннүлэр.
Оҕо-аймах ыллыы –туойа,
Сөтүөлүү ыстанна.

Хонуу аайы эҥин араас,
Сибэккилэр үүммүттэр.
Ойуур тыаҕа сир аһын,
Талбыккынан үргүүгүн.

Чыычаах, көтөр саҥатын,
Истэммин мин уһуктабын.
Ийэм хойуу күөрчэҕэ,
Минньигэһиин, олус да!

Кылгас сайыммытын,
Бары бииргэ көрсөбүт.
Кинини таптыыбыт,
Ааһан хаалыан баҕарбаппыт.

Степанова Даниела, 6 кылаас, Л.Н. Харитонов аатынан Маҕарас орто оскуолата, Горнай улууһа.

Салайааччы: Степанова Мария Романовна «Одуну кыымнара» литературнай куруһуок салайааччыта