Мин дойдум – олоҥхо дойдута.

IMG 20210524 WA0034 1

Эҥсиэлим хочотун

Илин биэрэгэр

Көстөөх сиртэн

Көҕөрөн көстөр

Бэс чагда мырааннаах,

Мырааннарын анныгар

Ыраас чүөмпэ уулардаах,

Күөх тыатын кэтэҕиттэн

Күөрэйэн тахсар күннээх,

Чыычаах ырыалаах,

Күөрэгэй тойуктаах,

Төрөөбүт-үөскээбит Торуойум,

Төрүт өбүгэ дойдум - Мурчуку.

 

Бөһүөлэгим соҕуруу өттүгэр -

Ытык сир  Ыстаарай,

Дьоллоох Дьокуускай

Аан бастакы олоҕо -

"Острог" өйдөбүнньүк

Мэҥэ таас суруктаах,

Нуучча хаһаактарын

Төрүт сыдьааннарабын.

Хотулуура өттүгэр

Хороҕор муостааҕы хорҕоппут,

Сыспай сиэллээҕи сытыырхаппыт,

Үлэһит-сайдам дьоннордоох,

Ырыаһыт, тойуксут ыччаттаах

"Үүнэр - Олох" колхуостаах

Төлкөм түспүт сирэ - Хомустаах.

Арҕаалыыра өттүгэр

Үс Үллэр үөстээх,

Өрүскэннээх сүүрүктээх,

Элиэнэлиир эбэлээх

Буом харыйа биэрэктээх

Таҥара кийиитэ кытыллаах

Бу мин дойдум - Хатас.

 

                          Эрдэ турбут чыычаахтар

"Тук-тук, саас кэллэ!"

 Түннүкпун тобугуратар,

  "Эрдэ турбут чыычаахтар

  Уостарын соттубуттар".

"Хойутаан турбут чыычаахтар

Харахтарын хасталлар", -

Үйэлээх норуот муудараһын

Эмискэ саныы түстүм.

Ороммуттан ойон турдум,

Сууннум-тараанным,

Аһаатым-сиэтим,

Сып-сап оскуолабар тэбинним.

Үөрэн-көтөн, мичилийэн,

Доҕотторбун көрүстүм,

Саҥа үөрэх күнэ

Саҕаланна эбээт, атастаар.

Алексей Шамаев, Хамаҕатта саха-французскай лиссиэйин 3 кылааһын үөрэнээччитэ