203003d5 65ea 4f43 88bf f7b34b020001 copy

Таатта улууһун Дьохсоҕон нэһилиэгиттэн төрүттээх Наталья Григорьева сэбиэскэй суруйааччы Марк Тарловскай оҕолорго аналлаах икки кэпсээнин сахалыы тылбаастаабыт. Кини 2008 с. СГУ Саха тылын уонна филологиятын факультетын үөрэнэн бүтэрбит, нууччалыы тыллаах оскуолаҕа саха тылын уонна культуратын үөрэтэр учуутал идэлээх. Билигин Ытык Күөлгэ олорор, кэргэннээх, үс уол оҕолоох. Алампа аатынан Ытык Күөл 1 нүөмэрдээх орто оскуола интернатыгар иитээччинэн үлэлиир.

Наталья биир үтүө күн Марк Тарловскай кэпсээннэрин түбэһэ ааҕан олус сэргээбит уонна сахалыы тылбаастаан көрдөхпүнэ хайдах буолуоҕай диэн санааттан тылбаастыырга санаммыт. Бу иннинэ кини үөрэҕин бүтэрэн баран 2008 с. Антуан эн Сент Экзюпери "Маленький принц" остуоруйатын "Кыра Тыгын" диэн тылбаастаабыт уонна ханна даҕаны бэчээккэ биэрбэккэ сылдьыбыт, онтукатын хомойуох иһин онно-манна көһө сылдьар кэмнэригэр сүтэрэн кэбиспит эбит.

Марк Тарловскай кэпсээннэрин ааҕа олорон киһи оҕо сааһыгар төннөн ылар, улахан киһи күннээҕи түбүгэр сабырыйтаран оҕотун санаатын таайбакка, оҕону өйдөөбөккө хаалар түгэнин өйдөтөр сыаллаах-соруктаах айыллыбыттар диэн Наталья сыаналыыр.

Бу айымньылар тэттик да буоллаллар олус интириэһинэйдэр, киһи сэргээн ааҕар ис хоһоонноохтор. Алын кылааска үөрэнэр оҕо өйүн-санаатын, туохтан хомойорун-үөрэрин субу баардыы арыйар кэрэхсэбиллээх кэпсээннэр диэтэхпитинэ сыыспаппыт буолуо. Билигин төрөөбүт төрүт тылбытынан кэпсэммитэ хайдах эрэ бэйэбитигэр чугас, ырылхай, киһи эрэ таттаран ааҕар айымньылара буолбуттар.

Наталья Григорьева Марк Тарловскай икки кэпсээнин сахалыы тылбааһын «Бэлэм буол+» саайт «Остуоруйа кудуга» кэрчигиттэн киирэн ааҕыҥ:

e4d84c97 2f8e 4b5b bdbe 7112bec570d9

-Лиипэп! Иһийэн олорбут Боря уол паартатын хаппаҕын арыйан дневнигын көрдөөтө. Быыһанар суол син биир суоҕун, уруок бүтэрэ өссө да ырааҕын билэ-билэ суумкатын хаһыспыта буолла. Кэмниэ-кэнэҕэс...

cfd92a42 5013 4f7e 9e56 609e043e3164

Киһи оҕо сааһыгар хаар сыта хаһааҥҥытааҕар да күндү... Саҥа дьыл иннинэ, иккис чиэппэр бүтэһик уруогун кэнниттэн, хайдах курдук сыттааҕый!  Лаампа уотугар уруок, иннигэр каникул күүтэр, уон...