М. В. Петрова аатынан Таастаах оскуолатын үөрэнээччилэрэ: "Сахалыы саҥарарбытынан киэн туттабыт", - дииллэр уонна биһиги саайпытыгар анаан бэйэлэрэ айбыт хоһооннорун ыыттылар.

Эһиги болҕомтоҕутугар оҕолор төрөөбүт тылларыгар уонна учууталларыгар анаабыт хоһоонноро. 

Паньков Юра

Паньков Юра, 4-c кылаас

****

Ийэ тылым

Ийэ тылым – Саха тыла.

Мин ийэ тылбын

Сыаналыыбын, харыстыыбын

Олустук таптыыбын!

Саха тылынан саҥарарбыттан

Киэн туттабын!

 

Муксунова Анжела

Муксунова Анжела, 4-c кылаас

 

Төрөөбүт төрүт тылым

Сахам тыла буолар,

Тылым миэнэ

Куһаҕаны кыйдыыр,

Хараҥаны сырдатар

Сырдыгынан сыдьаайар,

Дууһаны сылаанньытар

Сахам тылын олус таптыыбын!

Изабелла Муксунова

Муксунова Иза, 8-c кылаас

****

Тыл баар бараммат баай

Сахам тыла баар буолан

Саха норуота баар!

Тылбыт баар буолан

Биһиги баарбыт!

 

Уруһуй учуутала

Кини уруһуй учуутала

Екатерина Григорьевна.

Кинилиин олох атын эйгэҕэ

Кырааскалаах дойдуга умсабын!

Кинилиин элбэххэ, саҥаҕа үөрэнэбин!

Араас дьикти хартыыналары уруһуйдаан

Дууһам араас өҥүнэн сыдьаайар!

Улааттахпына Екатерина Григорьевна курдук

Уруһуй учуутала буолуоҕум!

Кэрэ хартыыналары уруһуйдаан

Бар дьоммун үөрдүөҕүм!

Антонова Диана

Антонова Диана, 6-c кылаас

*****

Ийэ тылым

Төрүт тылым

Саҥарар саҥам

Санаам этиитэ.

Ийэ тылым

Төрүт тылым

Ийэм кэриэтэ

Сымнаҕас сайаҕас.

Ийэ тылым

Төрүт тылым

Сахалыы толкуйум

Саргылаах кэскилим.

 

Учууталым

Саҥа кыыс аатын сүгэн

Таастаах оскуолатыгар

Үөрэнэ кэлбитим.

Утаа бастаан, ыараханы көрсүбүтүм

Барыта саҥа, барыта атын курдук этэ!

Онтон билигин барытыгар үөрэнним!

Оҕолордуун бодорустум,

Учууталлардыын тапсыстым.

Онтон чорботтум биир учууталы

Ньургун Гаврильевиһы!

Кини биһигини технология,информатика

Уруогар үөрэтэр.

Кини быһаарарара уратытык иһиллэр.

Барытын тутатына өйдүүбүн.

Улааттахпына мин

Информатика учуутала буолуом!

Кыһаллыам - мүьэллиэм

Уонна учууталбар

Куруутун махтаныам!

Аммосова Александра

Аммосова Александра, 8-с кылаас

Саха сиригэр төрөөммүн

Саха тылынан саҥарарбыттан

Олус үөрэбин.

Наһаа да кэрэ

Наһаа да мааны

Төрөөбүт тылбыт.

Ханна да бардарбыт

Ханна да тиийдэрбит

Умнубаппыт төрөөбүт

Төрүт тылбытын!

Павлова Камелия

Павлова Камелия 7-c кылаас

Төрөөбүт дойдум

Саха сирэ.

Төрөөбүт тылым

Саха тыла.

Мин дойдум тыла

Мин дууһам.

Көмүстээҕэр күндү

Мин сахам тылыгар

Махтанабын

Сахалыы саҥарарбынан

Киэн туттабын.

Ширяева Анна

Ширяева Анна, 8-с кылаас

*****

Төрөөбүт төрүт тыл

Саха дьоно киэн туттар тыла.

Саха дьоно тылбытын харыстыыбыт.

Саха дьоно өбүгэбит үгэһин тутуһабыт

Саха дьоно аспыт-таҥаспыт ураты.

Сахалар айыл5абыт сүдү күүстээх

Тылбыт тыыннаах.

 

Маҥнайгы учууталым

Оҥой-соҥой эрдэхпитинэ

Оскуолаҕа сиэтэн киллэрбитэ,

Иккис төрөппүт кэриэтэ киһибит

Туйаара Марковна!

Билии киэҥ аартыгар үктэннэрэн,

Элбэххэ, саҥаҕа,кэрэҕэ, үтүөҕэ үөрэппитэ.

Түөрт сыл устата үгүһү билбиппит!

Түөрт сыл устата өйбут-санаабыт уларыйбыта!

Билигин биһиги ахсыс кылаастарбыт.

Сотору оскуоланы бүтэриэхпит.

Умнуохпут суоҕа маҥнайгы учууталбытын

Туйаара Марковнабытын!

Эверство Миша

Эврестов Миша 6-с кылаас

Учууталым

Оскуола боруогун атыллыырбар

Эбэргэ, көҕүрэтэргэ, ааҕарга, кэпсииргэ

Үөрэппитэ маҥнайгы учууталым.

Кинилиин бастакы ыарахаттары

Чаҕыйбакка көрсүбүтүм!

Учууталбынаан кыайыыны

Дьулайбакка ситистим!

Маҥнайгы учууталбар

Махталбын тиэрдэбин!

Миигиннэн киэн туттуон диэн

Эрэл тылбын этэбин!

Атастыров Женя

Атастыров Евгений 6-с кылаас

Учуутал

Учуутал ааҕарга, суоттуурга үөрэтэр.

Учуутал өйдөөх-төйдөөх киһи гына иитэр.

Кини биһигини барыга-бары дэгиттэр такайар!

Оҕолор учууталлыын элбэххэ,

Саҥаттан-саҥаҕа үөрэнэбит!

Учуутал биһигини олох киэҥ аартыгар сирдиир,

Арыаллыыр, араҥаччылыыр сирдьиппит буолар!

Сахаайа Гоголева

Гоголева Сахаайа 6-c кылаас

 

Учууталларга

Учууталлар биһигини элбэххэ үөрэтэллэр,

Ааҕарга, суоттуурга, суруйарга

Күн бүгүҥҥээҥҥи диэри

Саҥаттан-саҥаҕа элбэхтэн-элбэххэ

Дабайабыт учууталлардыын!

Улаатан үлэһит киһи буоллахпытына

Өрүүтүн саныахпыт

Үөрэппит учууталларбытын!

Куруутун махтаныахпыт

Билии аартыгар сирдээбит дьоммутугар!

Оконешников Женя

Оконешников Женя 6-c кылаас

Бастакы учууталым

Кырачаан эрдэхпититтэн

Үөрэппитэ биһигини

Мария Николаевна!

Алын кылааска

Сиэтэн киллэрбитэ

Иккис ийэбит

Тэҥэ буолбута.

Кинилиин элбэххэ үөрэммиппит!

Саҥаттан саҥаны арыйбыппыт!

Хаһан да ханна да буолларбыт

Умнуохпут суоҕа

Маҥнайгы учууталбытын

Мария Николаевнаны!

Гаврильев Виктор

 Гаврильев Виктор 6-c кылаас

Мария Николаевнаҕа

Учуутал – учуутал

Кэрэ да тыл.

Бастакы учууталбыт

Мария Николаевна!

Маҥнайгы кылаастан

Биһигини бүөбэйдээн

Билигин  номнуо

Алтыс кылаастарбыт!

Элбэххэ үтүөҕэ үөрэппитэ

Киниэхэ куруутун махтаныахпыт

Хаһан да умнуохпут суоҕа

Бастакы учууталбытын

Мария Николаевнаны!