Тыл билимин хандьыдаата Ангелина Кузьмина «Мас тоҕо үүнэрий?» оҕолорго аналлаах кинигэтэ СӨ Национальнай бибилэтиэкэтин Оҕо ааҕыытын киинигэр сүрэхтэннэ.

df497e9c eede 429d 838b 32bd1f8bd66e 1

Ааптар  С.Ф.Гоголев аатынан Дьокуускайдааҕы педагогическай колледж алын сүһүөх оскуолатын 3 «б» кылааһын үөрэнээччилэригэр айар үлэтин, айымньы суруллуутун билиһиннэрдэ. Сүрэхтэниигэ үгүс кэпсээннэрин прототиба, кыра уола, Володя Кузьмин кытынна. Оҕолор элбэх ыйытыылары биэрдилэр, кинигэ туһунан санааларын эттилэр.

07c674c9 6023 476a 968c 050952940968

Колесова Нарыйа

Колесова Нарыйа:

         – Биһиги Ангелина Афанасьевна Кузьмина «Мас тоӄо үүнэрий?» кинигэтин сүрэхтэниитигэр кыттыыны ыллыбыт. Бу кинигэни ааӄарбытыгар биһиги учууталбыт Сардаана Дмитрьевна Горохова сүбэлээбитэ.

         Кинигэ сүрэхтэниитин олус интэриэһиргээтим, сөбүлээтим. Ангелина Кузьмина ылгын уола Володя элбэх кэпсээнигэр прототип буолбутун туһунан кэпсээбитэ. Володя кыра эрдэӄиттэн ону-маны интэриэһиргиир, бэйэтэ айан оӊорор идэлээх эбит. Онно тирэӄирэн суруйааччы оӄолорго анаан кинигэ суруйбутун билиһиннэрбитэ.

          Биһиги кылааһынан сахалыы ааӄарбытын олус сөбүлүүбүт. «Мас тоӄо үүнэрий?» кинигэни сэргээн аахтыбыт. Оӄолоор, бу кинигэни ааӄаргытыгар ыӊырабыт.

Гриц Ирина

Гриц Ирина:

         – Бастаан биһиги бу кинигэни кылааспытыгар уонна дьиэбитигэр аахпыппыт. Кинигэ олус интэриэһинэй, тэттик кэпсээннэрдээх буолан, мин олус сөбүлээн аахпытым. Аахпыппын төрөппүттэрбэр уонна бырааппар кэпсээн иһитиннэрбитим. Дьонум наһаа сэргээбиттэрэ.

         Кинигэ сүрэхтэниитигэр ааптар Ангелина Кузьмина бэйэтин оӄо сааһыттан санааларын кэпсээбитэ. Манна олоӄуран наһаа элбэх, араас кэпсээннэр айыллан тахсаннар, бу кинигэ суруллубут. Ангелина Кузьмина биһиги ыйытыыларбытыгар хоруйдаабыта, элбэхтик ааӄыҥ диэн сүбэлээбитэ. Ааӄар киһи билиитэ кэӊиирин кэпсээбитэ. Мин ордук «Ким доӄордоох – ол дьоллоох» диэн кэпсээни сөбүлээбитим.

Жирков Саян

Жирков Саян:

         –       Бу кинигэни ааҕан тулалыыр эйгэ туһунан элбэҕи биллим. Холобур, «Кымырдаӄастар», «Баӄа», «Мас тоӄо үүнэрий?» уонна «Чоппууска» диэн кэпсээннэри кэрэхсээтим. Болӄойон көрдөххө, кырдьык тула өттүбүтүгэр, биһиги билбэппит олус элбэх эбит. Ону биһиги «Мас тоӄо үүнэрий?» кинигэттэн билиэхпитин сөп.

         Биһиги ааптарга өссө да элбэх саӊа кинигэлэри кэтэһэрбитин уонна бэйэбит баӄа санааларбытын эттибит.