Д.С. Спиридонов аатынан Үөһээ Бүлүүтээҕи 4 №-дээх орто оскуола алын сүһүөх учууталларын методическай холбоһуга “Сатабыл” бырайыагынан конференцияны муус устар 24 күнүгэр  ыытта. Бу конференция  үһүс сылын ыытылынна. 2001 сыллаахха  Арассыыйаҕа “Дьоҕур” лаборатория дипломант үрдүк аатын ылбыта. Бу  үлэттэн ситимнээн оҥоһуллубут “Сатабыл” бырайыак саҥа тыыннанан үлэтин айымньылаахтык саҕалаан, түөлбэҕэ тахсарга былааннанар.

О5о2

         Сатабыл диэн сайдыбыт киһи ис туругун көрдөрөр өйдөбүл. Сайдыбыт киһи өйүнэн да, илиинэн да араас дьарыгы оҥорор кыахтанар. Билии мэйиигэ киирэн баран, саамай уһаатаҕына, баара – суоҕа 5-6 сыл сылдьар уонна туһаныллыбатаҕына сотуллан хаалар диэн нейрофизиологтар дакаастыыллар.  Илиинэн оҥорон таһаарар араас дьайыылар оҕо мэйиитин толкуйун, дьоҕурун, сатабылын сайыннараллар.  Бу бырайыак оҕо кыра сааһыттан дьоҕурун, сатабылын, толкуйун  арыйар, сайыннарар сыаллаах элбэх оҕону хабар.  Манна оҕолор албастарын, дьоҕурдарын киллэрэн тутан – хабан, айан таһаарбыт үлэлэрин астына көмүскүүллэр, үөрэ – көтө үлэлииллэр.

учуутал

         Хамсык кэмигэр бу бырайыак зуум нөҥүө ыытылынна. Быйыл  улуус 13 оскуолатыттан 121 үөрэнээччи түөрт хайысханан бэйэлэрин үлэлэрин көмүскээтилэр.  Ол курдук,  оҕолор конструирование, скульптура, уруһуй, хаартыска хайысхаларга сатабылларын көрдөрдүлэр.  Ордук кумаахынан оҥоһуктар, араас тиэмэлэринэн тиэстэнэн, пластилинынан оҥоһуктар, харандааһынан, акварелинэн уруһуйдар, араас дьүһүйүүлэр, 3Д оҥоһуктар  дьон болҕомтотун тартылар. Дьүүллүүр сүбэ оҕо бэйэтэ толкуйдаан, айан таһаарбыт үлэлэрин ордук сыаналаата.

учуутал2

Сатабыл биир көрүҥүнэн тылы баһылааһын буолар.  Ол курдук, муус устар 28, 29  күннэригэр Д.С.Спиридонов аатынан оскуолаҕа  республикаҕа бастакынан саха - английскай кылааһы төрүттээбит,  РСФСР үөрэҕириитин туйгуна Шамаева Мария Ивановнаҕа  анаммыт улуустааҕы лингвистика  олимпиадата быйыл сэттис  төгүлүн . нуучча, омук, саха тылларын учууталлара үлэлэтэллэр.  Оҕолор олимпиада бастакы чааһыгар суругунан, иккис чааһыгар үс тылынан айымньыттан быһа тардан толордулар. Быйылгы олимпиадаҕа  100-тэн тахса оҕо улуус 12 оскуолатыттан  кытынна. Ону таһынан,  Дьокуускай куораттан Айыы Кыһата, 26 №-дээх орто оскуола, Мэҥэ Хаҥаластан Мэлдьэхси орто оскуола, Л.В.Киренскэй аатынан Амма лицейэ, М.А.Алексеев аатынан Үөһээ Бүлүүтээҕи лицей-интернат үөрэнээччилэрэ кытыннылар.

Уччутал3

         Үс тылынан санааны суругунан уонна тылынан этэр сатабыллаах оҕону бэлэмнээһин билиҥҥи сайдыылаах олох ирдэбилэ буолла, онон бырайыак бу бириэмэҕэ олус тоҕоостоох, наадалаах буолан сылын аайы элбэх оҕону хабар уонна оҕолор омук тылын баһылыылларыгар олук буолар.

О5о

Зум

Зум2

Сонуннарга анаан  Тамара Данилова, Марина Яковлева бэлэмнээтилэр.