Бу сыл Муус устар 23 күнүгэр Чурапчы гимназиятын иһинэн тэриллибит «Ытык сүбэ» көҕүлээһининэн (салайааччы Болдовская Ф.Н.) «Көлүөнэ ситимэ: учуутал уонна үөрэнээччи»  диэн  методическай  семинар ыытылынна.

5

Гимназия тэриллиэҕиттэн айымньылаахтык үлэлиир уопуттаах учууталлар Хоютанова М. И. 8 “б”  кылааска “Электрический ток” диэн лаборатория, Колесова М. Д. 7 “б” кылаас оҕолоругар “Путешествие по новому свету”, Кириллина Л.Е. 7 “б”  кылааска “Союзы. Союзы? Союзы!” диэн хатылааһын уруоктары уонна  Керемясова М.Н. 10 “а”  кылааска «А.П.Чехов» диэн  литература уруогун  үрдүк таһымнаахтык ыыттылар. Биир идэлээхтэрэ, эдэр учууталлар хас биирдии уруогу олус үрдүктүк сыаналаатылар, киһини элбэххэ үөрэтэр, толкуйдатар өрүттэрин бэлиэтээтилэр.

4 1

6 1

7 1

Эбиэттэн киэһэ 7 “а” кылааска «Биир дойдулаахпыт, норуот суруйааччыта В.С. Соловьев-Болот Боотур «Уһуктуу» романын суолунан…» диэн ФГҮӨС дьарыгын көрдүбүт. Дьарыкка кылаас оҕолоро 6 айар бөлөххө арахсан “Уһуктуу” роман ис хоһоонунан эбии матырыйаал көрдөөн, чинчийэн булан, дьон иннигэр көмүскээтилэр. Саха революция иннинээҕи олоҕун, политсыылынайдары кытта ситимин, роман сүрүн геройа Ньургун Кырбыыкын прототиба гражданскай сэрии геройа Н.Д. Кривошапкин-Субуруускай буоларын, саха бастакы бырааһа П.Н. Сокольников уустук олоҕун сырдаттылар. Романтан быһа тардан инсценировкалары оонньоотулар. Бу түгэҥҥэ оҕолорбут дэгиттэр сатабыллаахтарын көрөн үөрдүбүт.

2 1

1 1

10

Дьаһал кэнниттэн «Сүбэ холбуката» диэн учуутал лабораторията ыытылынна. Санаа атастаһыыта буолла.

3 1

“Ытык сүбэ” түмсүүтэ.

Источник: http://gymn.churap.ru/?p=5508