Муус устар 15 күнүгэр “Мин - чинчийээччибин” диэн Бүтүн Россиятааҕы чинчийэр үлэлэр уонна бырайыактар куонкурустарын республиканскай таһымын кыайыылаахтарын А.П. Павлов аатынан Сунтаар 1-кы нүөмэрдээх Орто оскуолатын библиотекатын саалатыгар чиэстээһин тэрээһинэ ыытылынна. Бу куонкурус историятын сэгэтэн кэпсиир буоллахха, “Мин- чинчийээччибин” диэн Бүтүн Россиятааҕы чинчийэр үлэлэр уонна бырайыактар конкурстара 2005 сылтан ыытыллар. Дойдубут үгүс регионнарыттан оҕолор кыттыыны ылаллар. Ону таһынан Белоруссияттан, Казахстантан, Украинаттан тиийэ кытталлар.

мин чинчийээччибин 1

 Бу куонкурус сүрүн соруга - оҕолору наука үгүс хайысхаларыгар чинчийэр-үөрэтэр үлэҕэ үөрэтии, интэриэһи үөскэтии, дакылааты суруйарга, бэйэ санаатын кэпсииргэ, үөрэппит темаларын ырытарга, ааҕарга, уһуйар сыаллаах буолар.

...Быйыл “Мин- чинчийээччибин” диэн Бүтүн Россиятааҕы чинчийэр үлэлэр уонна бырайыактар конкурстарын улуустааҕы этабыгар 188 оҕо кыттыыны ылбыта. Республиканскай куонкурус Кулун тутар 8 күнүттэн 31 күнүгэр диэри буолбута. Манна барыта Саха сирин 29 улууһуттан 272 оҕо кытынна. Бу республиканскай этапка Сунтаар улууһуттан 13 оҕо ситиһиилээхтик кытынна. Элгээйи орто оскуолатын 2 кыл. үөрэнээччитэ Никитин Никита кыайыылаах буолла. Дипломнарынан наҕараадаланнылар: Эверстов Давид, Куокуну орто оскуолатын 4 кыл. үөрэнээччитэ, Гуринова Лилия, Кэмпэндээйи орто оскуолатын 3 кыл үөрэнээччитэ, Яковлева Эвелина, Элгээйи орто оскуолатын 2 кыл. үөрэнээччитэ, Чойнова Злата, Хадан орто оскуолатын 2 кылааһын үөрэнээччитэ, Сиэйэ орто оскуолатыттан 4 кыл. үөрэнээччитэ Андросов Женя, 2 кыл. үөрэнээччитэ Андросов Валера, Устье орто оскуолатыттан 2 кыл. үөрэнээччитэ Озерецковская Амелия, 1 кыл. үөрэнээччитэ Иванов Сайаан, Сунтаар начальнай оскуолатыттан 1 е кыл. үөрэнээччитэ Никифорова Мария, 1д кыл. үөрэнээччитэ Аммосов Харысхал, 3 в кыл. үөрэнээччитэ Никитина Нарияна.

мин чинчийээччибин 2

“Мин - чинчийээччибин” диэн Бүтүн Россиятааҕы чинчийэр үлэлэр уонна бырайыактар конкурстарын улууска салайан ыытар Сунтаар улууһун үөрэҕириитин кылаабынай специалиһа Попова М.И. оҕолору истиҥ тылларынан эҕэрдэлээтэ.

Дьокуускай куораттан куонкуруска ситиһиилээхтик кыттыбыт оҕолорго бэйэтин эҕэрдэтин Саха Республикатын Малай Академиятын ректора, биир дойдулаахпыт Павлов В.К. онлайн нөҥүө эттэ. Сунтаар улууһун үөрэҕин управлениятын начальнигы солбуйааччыта Васильев Б.Н. куонкурус кыайыылаахтарын эҕэрдэлээтэ уонна кубоктары, мэтээллэри, дипломнары туттарда. Сунтаар улууһун үөрэҕин управлениятын специалиһа Павлова А.С. Хоро Харыйалааҕар 1875с. таҥара дьиэтин туттарбыт, 1906 c. Кокуора нэһилиэгин тэрийбит, 1916 с. пансионнаах оскуоланы арыйбыт Кокорин Андрей Петрович сыдьааннарын ааттарыттан анал бирииһи Күндэйэ орто оскуолатын 3 кылааһын үөрэнээччитигэр Саввинова Джулияҕа уонна «Алаһа» улуустааҕы общественнай сурунаалын редактора Игнатьева Л.И. аатыттан редколлегия анал бирииһин Хадан орто оскуолатын 2 кылааһын үөрэнээччитигэр Чойнова Златаҕа туттарда.

мин чинчийээччибин 3

Хомус алыптаах тыаһынан Сунтаар начальнай оскуолатын үөрэнээччитэ Амелия Оконешникова музыкальнай эҕэрдэтин тиэртэ. “Мин- чинчийээччибин” диэн Бүтүн Россиятааҕы чинчийэр үлэлэр уонна бырайыактар куонкурустарын Бүтүн Россиятааҕы этабын икки төгүллээх лауреата Сунтаардааҕы политехническай лицей 6 кылааһын үөрэнээччитэ Федоров Радомир бэйэтин үлэтин билсиһиннэрдэ уонна оҕолору эҕэрдэлээтэ.

Быйылгы «Мин - чинчийээччибин” диэн Бүтүн Россиятааҕы чинчийэр үлэлэр уонна бырайыактар конкурстарын республиканскай этабын оҕолоро дакылааттарыттан кылгастык билсиһиннэрдилэр, санааларын үллэһиннилэр.
Оҕолор саңаттан-саңаны билиигэ-чийчийиигэ үөрэх чыпчаалын сайдыытын суолугар бигэтик үктэнэннэр, дьоҕурдарын сайыннаран, ситиhиилээхтик үөрэнэн киэң билиилээх, культуралаах, ситиһиилээх, аныгы олох ирдэбилигэр эппиэттэhэр үөрэхтээх дьон буола улаатыҥ диэн алгыспытын аныыбыт.

Сунтаар улууһун үөрэҕириитин управлениятн информационнай-методическай отдела

Источник: https://suntarmouo.ru/2021/04/16/