Остуоруйа кудуга

Онус  «Тоҕо?»

(кэпсээн)

Ааптар: Илона Говорова

    Саян уол сааһа тоҕуһа. Кини үһүс кылааска үөрэнэр. Саян Кузя диэн куоскалаах. Наһаа мааны куоска. Муус-маҥан дьүһүннээх, хараҕа халлаан күөҕэ,уһун кутуруктаах. Күнү быһа утуйан тахсар.

WhatsApp Image 2021 04 12 at 10.42.18

    Саян төрөөбүт күнүгэр табаарыһа Арылхан ыт оҕотун бэлэхтээбитэ. Уол олус үөрбүтээ! Кырачаан ыт оҕотун Молли диэн ааттаабыта. Ытын  дьүһүнэ эмиэ маҥан, кулгааҕа түһэ сылдьар. Кузялаах Молли наһаа доҕордуулар. Бииргэ утуйаллар, бииргэ оонньууллар. Саян аҕата Петр Иванович куоскалаах ыты сөбүлээбэт. Биирдэ эттэ:

-Саян, эн ыттаах куоскаҥ наһаа мэниктэр.                                                       

Онуоха ийэтэ Анна Семеновна эттэ:

-Оннук. Кузяҥ түүтэ наһаа түһэр. Дьиэни ыһаллар.

Аҕата уолун ыҥыран ылла. Кыыһырбыт көрүҥнээх:

-Саян,эн эбэтэр куоскаҕын, эбэтэр ыккын ыалга биэр.

Ийэтэ аргыый аҕай эттэ:

-Аҕаҥ сөпкө этэр. Икки күн толкуйдаа, дьиэҕэр биирин эрэ хааллараҕын.

Саян наһаа санаарҕаата. Кузятын да, Моллитын да биэриэн баҕарбат. Түүн кистээн ытыыр. Икки күн ааста. Ийэлээх аҕата ыйыттылар:

-Хайа,тоойуом,толкуйдаатыҥ дуо?

-Толкуйдаан,-  диэн баран уол умса көрдө.

-Атын ыалга миигин биэриҥ!!!- диэт Саян ойон тураат, хоско куотта.

Тоҕо Саян куотта?

 

Ааптар уруһуйа