Остуоруйа кудуга

Кыракый куоска оҕото Барсикхоско муостаҕа сытан сап мөчөкөтүнэн оонньуур. Түннүк аһаҕас этэ, онон түннүк холуодатыгар сытыы баҕайы чооруос көтөн кэлэн олорбут. Барсик тыыллаҥнаан баран санаабыт: «Эбиэтим бэйэтинэн тиийэн кэллэ!»Уонна түннүккэ ыстанан кэбиспит. Чооруос аһаран биэрэн көтөн хаалбыт, оттон Барсик холуодаттан кыайан тутуһумуна аллара куугунаабыт...

Өр баҕайы көтөн, кутталыттан икки хараҕын быһа симэн, ханна эрэ түөрт атаҕынан тура түспүт. Биир хараҕын арыйан көрбүтэ, эргиччи туох эрэ түрдэлэрэ сыталлар, олорго икки дьоһуннаахтык туттубут хоптоор олороллор уонна кинини кынчарыйан көрөллөр.

– Ханна баарбыный мин? –Барсик ыйыппыт.

– Хараабылга, – хоптолор иккиэн тэҥҥэ хаһыытаабыттар.

– Мин Ырайга көтүөхпүн наада, – куоска ньааҕынаабыт.

– Эйиэхэ суолгун көрдөрөн биэриэхпит, – диэбиттэр хоптолор уонна туран кэлбиттэр.

Кинилэр уһуннук устубуттар, сатыы өр хаампыттар, тугунан эрэ айаннаабыттар, көппүттэр, сүүрбүттэр. Сахараҕа, Индияҕа, бэл, Италияҕа сылдьыбыттар, ол эрэн Ырай ханна да суох эбит.…

Эмискэ Барсик мастары көрбүт — кинилэр сир уонна халлаан силбэһэр миэстэтигэр кэлэн тураллар эбит. Кини хоптолору кытта онно барбыттар.

Айанньыттар баран иһэр суолларын тухары киһи хараҕын үөрдэр олус кэрэ сибэккилэр бааллар эбит. Ыраас салгын күүстэригэр күүс эбэр, дьүүктэттэн тыгар уу тамахтарын ханнарар. Мастар лабаалара кинилэргэ кырыыһа буолар, оттон дыргыл сыттаах уһун от эркин уонна орон буолар.

Кэмниэ кэнэҕэс биир сарсыарда, күн барыны бары көмүс утахтарынан бүрүйбүт кэмигэр көрдөөбүттэрин булбуттар!

Манна араас дьикти-дьиибэ барыта баар эбит. Үтүө санаалаах кыыллар уонна үүнээйилэр, киһи илиитэ таарыйбатах силигилии үүнэр айылҕа. Ил-эйэ, эргиччи дьүөрэлэһии.

Сотору Барсик көннөрү Ырайга буолбакка, саамай дьиҥнээх Дьикти-Ырайга  кэлбитин өйдөөбүт! Онтон ыла куоскалар хоптолору кытта көҥүл көччүйэллэр, үҥкүүллүллэр, ыллыыллар-туойаллар, көрү көҕүлүттэн туталлар. Оттон биһиги дьоруойбут киэһэтин ырыаһыт чыычаахтартан музыка уруогун ылар, ромашка сэбирдэхтэригэр суруллубут нотаны үөрэтэр.

Никита Яковлев

2 «Г» кылаас

Курскай,

 Курскай уобалас