Остуоруйа кудуга

Ыраах хотугу дойдуга кырачаан овцебык төрөөбүт. Дьылҕа хаан ыйааҕынан кини чороҥ соҕотох хаалбыт: ийэтэ, аҕата, инитэ-биитэ, аҕаһа-балыһа суох.Кинини үтүө санаалаах дьон булбатахтара буоллар, бу тыйыс тымныы дойдуга тыыннаах ордубата биллэр этэ.Кырачааны булбуттар, аһаппыттар, сылаастык үлбүрүйбүттэр. Ол кэнниттэн биһиэхэ, “Саха сирин тыыннаах алмаастара” айылҕа пааркатыгар ыыппыттар.Бастаан кини барыйартан барытыттан куттанара. Тоҕо диэтэххэ, бу пааркаҕа киниттэн ураты атын, кини хаһан да көрбөтөх кыыллара бааллара. Бары ынырык өстөөх курдук көстөллөрө.Бастаан кинини кытта Роджер куруолук билсиһэ кэлбитэ да, овцебык ол саҕана аата да суох этэ, онон кини куруолукка туох диэн хоруйдуон билбэтэҕэ. Бу кыһалҕаны Роджер быһаарбыта. Кини доҕотторун ыҥыртаабыта – паарка куруолуктарын. Кинилэр овцебыгы Дружок диэн ааттаабыттара. Кыракый овцебык төһө да дьиикэй соҕус буоллар, аатын сөбүлээбитэ. Онтон ыла кинилэр доҕордоспуттара, бииргэ аһыыр уонна оонньуур буолбуттара. Роджер куруолук бу кэрэ пааркаҕа хас да сыл олорбут буолан, манна олорооччулар тустарынан барытын билэрэ. Кини биирдэ Дружокка овцебыктар аҕа уустарын туһунан кэпсээбитэ.

Овцебыктар былыргы өбүгэлэрэ 3,5 мөлүйүөн сыллар анараа өттүлэригэр ыраах Киин Азия үрдүк хайаларыгар олорбуттар. Сиргэ айылҕа тымныйан барбытыгар овцебыктар өбүгэлэрэ Гималай хайаларыттан сиргэ түспүттэр уонна Сибиир сиринэн-уотунан тарҕаммыттар. Саха сиригэр бастакы овцебыктары 1996 сыл алтынньы ыйыгар Таймыыртан Булуҥ улууһугар аҕалбыттара. Бу историяны кыракыйДружок олус сөбүлээбит, кини кэпсэтинньэҥ, эйэҕэс буолбут. Кимтэн да, туохтан да куттаммат. Кинини харыстыылларын билэр буоллаҕа.Биирдэ паарка устун күүлэйдии сылдьан принцессаҕа майгынныыр кэрэ дьүһүннээх тайах тугутун көбүт. Тыаһа суох күрүөҕэ кэлбит уонна тугут кыысчааны одуулаан турбут. Тугут олус санаарҕаабыт көрүҥнээх, кими да кытта кэпсэппэт. Дружок аа-дьуо тиийэн туохтан маннык санаата түспүтүн ыйыппыт. Тугуту ыраах Өлүөхүмэттэн аҕалбыттар эбит. Кини ийэтэ оҕолорун эһэттэн көмүскээри өлбүт, онон тугутчаан соҕотоҕун хаалбыт. Дружок тайах тугутун сөбүлээбит. Кыыс олус кыраһыабай эбит, онон Дружок кинини английскай принцессаҕа майгыннатан Диана диэн ааттаабыт. Кини Диананы кролик доҕотторун, Роджеры кытта билиһиннэрбит. Онтон ыла доҕордуулар олус иллээхтик уонна бэһиэлэйдик олороллор.

Наталия Ыракыева

6 кылаас

Таас-Үрэх с.,

Мииринэй оройуона,

Саха Өрөспүүбүлүкэтэ