Остуоруйа кудуга

Биирдэ күһүн төрөппүттэрбин кытта куораттан чугастааҕы ойуурга бара сылдьыбыппыт. Бу ойуурга бэстэр уонна харыйалар быыстарыгар хатыҥнар, тэтиҥнэр уонна араас отонноох бөлкөйдөр үүнэллэр – биэ эмиийэ, моонньоҕон, дөлүһүөн. Ол кэмҥэ хайы-сах түспүт сэбирдэх элбэҕэ: саһархайдар, хоҥордор, кытархайдар. Биһиги саамай үчүгэйдэрин гербарийга анаан хомуйбуппут. Оттон сэбирдэх анныгар тэллэйдэр баар этилэр, тэтиҥчэйдэр, хатыҥчайдар уонна сыалаах тэллэйдэр. Олору харыйа анныгар тэлгэммит хаһыат үрдүгэр мунньубуппут.

Тииҥчээн, кугастай бэйэтэ, кутуруктуун баҕастыын субуруҥнаан лабааттан лабааҕа ыстаҥалыыра, чөм курдук туттан-хаптан сүр чэпчэкитик сиргэ түһэрэ, кэлин атахтарыгар олорунан кэбиһэрэ, инники атахтарынан тэллэйи ылара уонна ытыллыбыт ох курдук түргэнник харыйа устун саамай чыпчаалыгар диэри хатыгырайан тахсара.Дьиэлиир кэммит кэлбитигэр тэллэйбитин мунньубут маспыт анныгар кэлбиппит, пахай, аҕыйах эрэ тэллэй ордон хаалбыт.Биһиги дьиктиргээн бэйэ бэйэбитин көрсүбүппүт: «Сороҕо ханна баран хаалла?» Арай, көрбүтүм, харыйаҕа, киһиттэн эрэ үрдүккэ, мутуктарга биһиги тэллэйдэрбит ыйаммыттар. Оттон лабаалар быыстарыгар кугас тииҥчээн букунайа сылдьара. Хайдах курдук сымсаный кини! Көр, бу кыракый атахтарынан бытыгыратан аллараа түһэн эрэрэ баара да, көрүөх бэтэрээ өттүгэр саамай чыпчаалга баар буола түһэр. Ойуур кырасаабыссата кыһыҥҥы аһылыгын бэлэнэнэригэр мэһэйдээбэт туһугар, биһиги мастан тэйэ түһэн баран кэтииргэ быһаарынныбыт.

Биһиги сэрэнэн чугаһаабыппыт уонна тииҥҥэ анаан сиэмэчикэ табыгынаппыппыт.

Эһиилги сылыгар кугас кырасһаабыссабыт хайдах кыстаабытын билээри эмиэ ол ойуурга барарга быһаарыммыппыт. Били харыйабытын түргэнник булбуппут. Кугас кутуруктаахпыт сҕотох буолбатаҕын ыраахтан көрбүппүт — кини аттыгар туох да кыһалҕата суох хас да кыра тииҥчээннэр, кини оҕолоро ыстаҥалаһа сылдьаллара.Оттон кинилэртэн чугас, маска тииҥҥэ майгынныыр икки кыыл сылдьарын көрбүппүт — хараҥа буурай өҥнөөхтөр.

Үчүгэйкээн кэрбээччилэри дуоһуйуохпутугар диэри көрөн бараммыт, икки харыйа анныгар эриэхэ хаалларбыппыт уонна дьиэбитигэр төннүбүппүт.

Агата Шамсутдинова

6 саастаах

Тюмень к.,

Тюмень уобалаһа