Остуоруйа кудуга

Биһиги дьиэ кэргэн куоракка олоробут. Мин оскуолаҕа үөрэнэбин.Биир сайын эбэбэр дэриэбинэҕэ ыалдьыттыы барбытым.Эбэбин кытта даачаҕа барбыппыт. Эбэм саадыгар яблоня, вишня, слива, крыжовник, моонньоҕон уонна хаптаҕас бааллар.Бу фрукталары уонна отоннору мин олус сөбүлүүбүн. Эбэлээх эһэм оҕуруоттарыгар олус элбэх аһы олордоллор: моркуоп, хаппыыста, сүбүөкүлэ, луук,хортуоппуй, помидор, оҕурсуу, ону таһынан горох, фасоль, бэл диэтэр, подсолнух.Эбэм миигин саҥа үүммүт оҕурсуунан күндүлээтэҕинэ, ону мин кэрбээн сиирбин сөбөлүүрүм. Онтон оҕуруот уҥуор барбытым.

Даачаҕа оҕуруот анараа өттүгэр сибэккилээх улахан хонуулаах. Онно лыахтардаах, кэрэ сибэккилэрдээх олус кэрэ сыһыы баар. Онно мин аптаах дойдуга баар буолбут курдук санаммытым. Ол сыһыыга барарга күөх сэбирдэхтэртэн турар ааны арыйан ааһыаххын наада. Мин чугаһаан бараммын күөх сэбирдэхтэртэн оҥоһуллубут тэриэлкэлэри көрбүтүм, онно миэхэ анаабыт курдук дьэдьэннэр бааллара.Бу остуруйа остуолун миэхэ кэрэчээн лыахтар бэлэмнээбиттэр дии санаабытым.Остуоруйа дойдута  аптаах остуолга ыҥырар курдуга. Мин дьэдьэни амсайбытым кэнниттэн күөх от көбүөргэ лыахтары кытта үҥкүүлүөхпүн баҕарбытым. Сорох лыахтар маҕаннар, сорохтор саһархайдар, сорохтор үрүҥ уонна хара бээтинэлэрдээх араҕастар.Сорохтор сибэккиттэн сибэккигэ көтө сылдьаллар, сорохтор нарын кынаттарынан сапсына-сапсына сибэккилэргэ олороллор.
Мин эргичийэ сылдьыбытым, лыахтар аттыбынан эргийэллэрэ. Ол кэнниттэн минньигэстик күндүлээбиттэрин уонна истиҥник үҥкүүлэспиттэрин иһин махтаммытым.

Мин сибэккилэри сирийэн көрөттөөбүтүм, кинилэр минньигэс сыттарынан тыыммытым. Сибэккилэр бары араастар. Сибэккилэри көрөрбүн олус сөбүлүүбүн, бары туһугар олус кыраһыабайдар. Сорохтор буруо эбэтэр былыт курдук чэпчэки үрүҥ түүттэн тураллар. Сорохтор чаҕылхай баҕайы ежикка майгынныыр роза сибэккилэр. Эргиччи току-току-ньээм-ньээм икки көрүҥэ үүнэн турара. Мин кинилэр түүлэрин үрэрбин, ол хайдах сагыҥҥа көтөрүн көрөрбүн сөбүлүүбүн.Өссө аатын билбэт үрдүк араҕас сибэкким баара.Кэлин эбэбиттэн ол туһунан ыйыппытым. Ол зверобой эбит – эмтээх от.Өссө синньигэс уһун атахтардаах, василектарга майгынныыр халлаан күөҕэ сибэккилэр бааллара.Хонууга, чугас духуу уонна араас минньигэс ас маҕаһыына баарын курдук, олус үчүгэй сыттааҕа. Биир сибэккигэ таҥара ынаҕын көрбүтүм, кини алта бээтинэлээх этэ, ол аата алта саастаах.Таҥара ынаҕын кыратык илиибэр тута түспүтүм, имэрийбитим. Онтон кини үөһэ чороппут тарбахпар сыылан тахсыбыта, кынаттарын арыйбыта уонна атын сибэккигэ көппүтэ.

Мин оҕуруокка тиийэр тэпсиллибит ыллыгынан төттөрү эбэлээх эһэбэр төннүбүтүм. Ыллык онон-манан күөх от бытыгыраабыт сиэрэйдиҥи саһархай өҥнөөҕө,икки кытыытынан араҕас току-току-ньээм сибэккилэр үүнэллэрэ. Мин киһилии саҥарар ыт оҕотун кытта сүүрэн иһэр курдук санаммытым.

Киэһэ эһэлээх эбэбэр аптаах дойдуга сылдьыбытым туһунан үөрэ-көтө кэпсээбитим. Кинилэр мин остуоруйаларбын мичээрдии мичээрдии бэркэ дьиктиргээн истибиттэрэ.Кинилэр оҕуруоттарын кэтэҕэр дьикти сыһыы баарын билбэттэр да эбит. Кэлин мин аптаах дойдуга сылдьыбытым туһунан төлөпүөнүнэн аҕабар кэпсээбитим.

Мин бу остуоруйа курдук айаммын өргө диэри саныы сылдьыаҕым. Хайаан да эһэлээх эбэбэр өссө бара сылдьыам уонна ол хонууга тиийиэм. Баҕар, эмиэ минньигэс дьэдьэннээх остуол күүтэрэ буолуо. Дьэ, сайын эбэбэр даачаҕа бара сырыттахпына, бу курдук дьикти түбэлтэ буолбута.

Алиса Фомина

1 «А» кылаас

Тула к.,

Тула уобалаһа