Остуоруйа кудуга

Уой, өрүсчээн, өрүспүт,

Эн кэрэҕин, дириҥҥин!

Өрүскэ балык олорбута,

Балык ньамахха муммута:

«Тугуй бу? Тоҕо сүрэй!

Ханна да көрбөтөх баҕайым!

Турба ууга кири үрэр,

Туох ааттаах алдьархайай?!

Ким өрүһү киртитэрий,

Балык үйэтин кылгатарый?»

Балыктар дьүүллэспиттэр,

Сүбэлэрин холбообуттар,

Өрүһү быыһыыр туһугар.

Дьоһуннаах рак туран этэр:

«Өстөөҕү мин чопчу билэбин.

Биир сэкириэти этэбин

Хоруй суолун ыйабын.

Биирдэ туран көрбүтүм,

Дьоннор ууну куурдаллар,

Уһун турба тардаллар

Кири онон тоҕоллор.

Собуоттаахтар кинилэр,

Улахан-кыра диэн буолбат,

Биһиэхэ туһаны аҕалбат

Үйэбитин сарбыйар,

Өрүспүтүн киртитэр,

Дьон эрэ онтон туһанар.

Тобулуохха надалаах –

Дьону хайдах үөрэтэбит,

Айылҕаны сыаналыырга,

Уонна мэлдьи харыстыырга».

Отут үс бухатыырдыы,

Балык аймах кытылга

Тахсан кэллэ олорордуу.

Дьоннор олус куттанылар,

Олуп-чолуп көрдүлэр:

«Хайдах-хайдах буоллубут,

Ууну олус киртитэн,

Балыктары үүрдүбүт

Күөлтэн уонна өрүстэн!»

Дьэ, уонна быһаарбыттар:

«Олус бэркэ оҥостуохха.

Ыраастыыры тутуохха,

Ууларбытын харыстыахха.

Өйдөөн кэбиһиҥ, доҕоттор,

Кир-дьай оннун булуохтаах,

Айылҕаҕа өстөнөр,

Сатамматын билэбит.

Уонна хаһан даҕаны

Балыктары өрүстэн

Үүрбэт ордук буолуоҕа,

Киртиппэппит өрүһү,

Мантан ыла хаһан да.

Айылҕаны ытыктыахха,

Айылҕаны таптыахха!»

Дьоннор уонна балыктар

Доҕордоһор буолбуттар,

Айыы суолугар турбуттар.

Өрүсчээммит, өрүспүт

Эмиэ дьэҥкир ууламмыт,

Күндү таастыы оонньообут,

Күөх кытылга сууламмыт.

Кирилл Ерзин

1 «А» кылаас

Ульяновскай к.

Ульяновскай уобалас