Остуоруйа кудуга

Бэртээхэй куйаас  күн буоллаҕа,

Этиҥнээх ардахтар кэнниттэн,

Бөрө тыа кыылларын ыҥырта,

Кутааны эргиччи сынньалаҥ киэһэҕэ

Тииҥчээннэр абырҕал соспуттар,

Буобура тэтиҥи ытыран аҕалбыт,

Саһыл хатыҥ уутун ыган ылбыт,

Бэдэр сыалыһар балыгы хаптарбыт.

Кыылчааннар сүүрэллэр-көтөллөр,

Тохтоло суох күлэллэр-салаллар,

Патефон булбуттар куобахтар,

Иннэтин ежиктар иилбиттэр.

Салгыҥҥа чэччийиэх үтүөкэн да күн үүммүт,

Халлааҥҥа былыт диэн букатын мэлийбит,

Мэник тыал ыраах тыа кэтэҕэр иһийбит,

Бөрө кыыл сиэбиттэн испиискэ хостообут.

Кутааны тулалаан олорбут эбиттэр,

Тэллэйи, балыгы буһаран сиэбиттэр,

Хотоолго үрүйэ устара бу бэрдин,

Топпоортон кырыымпа ырыата кэрэтин!

Үчүгэй, үчүгэй, барыта кэриччи,

Ол эрэн киэһэрэр, хомунар сөп этэ,

Кыылчааннар көрөллөр эргиччи –

Ким баран уу баһан аҕалар? 

Сытайан тураннар этиһэн барбыттар,

Ыгыччы топпукка уу баһар ыарахан...

Ол сылдьан алҕаска көрбүттэр –

Чугастыы чараппаахы сытарын.

От бөлкөй анныгар утуйа сытара,

Наушник – кулгааҕар, сэбирдэх – айаҕар,

Күүлэйгэ суох этэ, бу манан ааһара,

Үрүйэ уутуттан уулаары ардыгар.

Куйаҕын үрдүгэр биэдэрэ уурдулар,

Барбатыҥ даҕаны кэһэйиэҥ диэтилэр,

Уу баһан аҕалбат түгэҥҥэр

Кэпсэтии атыннык барыаҕын эттилэр.

Аймалҕан устата күн лаппа киэһэрдэ,

Күн сүттэ, мэник тыал иһиирдэ,

Онуоха уот турда, омуннук уоҕурда,

Кутаабыт ойуолаан ойуурга тиэтэйдэ.

Кыылчааннар куттанан үөгүүнү тартылар:

«Оо, быыһааҥ-абырааҥ баһаартан!»

Куобахтар төлөпүөн буллулар...

«Таллаҕар, ньуул-бииргэ!» — дэстилэр.

Бөртөлүөт кэлбитэ, массыына да баара,

Баһаары утары охсуһуу үөһүгэр,

Быыһааччы үлэтэ ыарахан да эбит,

Кыылчааннар дьиэлэрин быыһааһын!

Чарапаахы тиийбитэ үрүйэ үрдүгэр,

Куйаҕын үрдүттэн солууру түһэрдэ,

Күөх окко сыҥааҕын булларда,

Ол кэннэ налыччы утуйда.

Доҕоттор, бу сэһэн сиэринэн,

Кутааны тулалаан оонньуоххун баҕарыаҥ —

Оттук мас хомунар саҕана хаһааныҥ

Сэрэххэ умуорар уу саппааһын!

Есения Доманова

2 «Б» кылаас

Хиславичи б.

Смоленскай уобалас